Жасакерге ишенбе | Айт Айт Десе || Дыйкан Акын

Кемчилиң, айтса жаман көрөсүң,
Камайм, тилин жулам дей бересиң.
Эл агасы экениңди билбеген,
Акылы жок, кандай жинди немесиң.

Болбойт да аның, хулигансыңбы эмине,
Тынчын алып, чатак салган элине.
Сендейлерди баатыр дебейт, зөөкүр дейт,
Бир боор элин, душман кылган өзүнө.

Айылдагы, элге жакпас чоң муштум,
Жүрөгүнүн, суусун алган байкуштун.
Чоң көчөдө, чоң дүкөндүн алдында,
Чогулушкан, ээн баштардай айтыпсың.

Кошоматчы, саткындарды билбейсиң,
Чындык айткан, жакындарың сүйбөйсүң.
Калыстыка, сылыктыка үйрөтпөй,
Көпкөн орой, бандиттердей сүйлөйсүң.

Күчүң барда, таманыңды тазалап,
Атың сатып, жакпаганын жазалап.
Жагалданып, сени мени көрсүн деп,
Сага күйгөн, киши болуп жасалат.

Ээрде болсоң, канжыгаңа жармашып,
Сага ат минген, жарашат деп алдашып.
Үзөнгүдөн, жаза тайып баратсаң,
Жүгүрүшөт, алдыңа шиш камдашып.

#айтайтдесе #кыргызстан #политика #айтыш #дыйканакын #айтайтдеседыйканакын #ташиев #дыйканакынайт #болотназаров #акындар #поэзия #коррупция #дыйканакынайтыш #жасакергеишенбе
Патреондо колдогонуңузга чоң ырахмат
https://www.patreon.com/temirovlive

Биздин тик-ток - https://vm.tiktok.com/ZSecaq4Eo
Инстаграмыбыз - https://www.instagram.com/aytaytdese/

Видео Жасакерге ишенбе | Айт Айт Десе || Дыйкан Акын канала Айт Айт Десе