Baggalútur — Allt breytist

Lag af hljómskífunni Kveðju skilað, þar sem Baggalútur flytur ný lög við kvæði eftir vestur–íslenska skáldið Káinn (Kristján Níels Júlíus Jónsson, 1860–1936).

Lag: Bragi Valdimar Skúlason. | Texti: Káinn.
Upptökustjórn & hljóðblöndun: Guðmundur Kristinn Jónsson.
Kvikmyndataka: Ívar Kristján Ívarsson.
Hljóðritað í Hljóðrita 2020.

Flytjendur:
Karl Sigurðsson, söngur.
Valdimar Kolbeinn Sigurjónsson, bassi.
Guðmundur Pétursson, gítar.
Þorleifur Gaukur Davíðsson, munnharpa, fetilgítar, mandólín.

Kvæði:
Í rökkrinu sit eg og raula mín stef,
þá rifjast upp fortíðin öll.
Í huganum þokast eg skref fyrir skref
um skriður og urðir og fjöll.

Mig langaði stundum að lyfta mér ögn
og lífga með kvæðum og söng.
Mér leiddist hin eilífa þunglyndis þögn,
því þá urðu kvöldin svo löng.

Fækka sporin, kemur kvöld,
kuldi sólarlagsins;
hefi eg borið hálfa öld
hita' og þunga dagsins.

Þá kvað eg það stundum, sem kallað er háð,
í kofunum sungið það var;
því hégómaskapurinn hafði ekki náð
því hámarki, sem 'onum bar.

Eg lyfti mér stundum á ljósgeisla væng
og læddist um kofana hljótt,
og margan, sem hvíldi þar sjúkur á sæng,
eg svæfði með brosi um nótt.

Fækka sporin, kemur kvöld,
kuldi sólarlagsins;
hefi eg borið hálfa öld
hita' og þunga dagsins.

En svo þegar allt er nú komið í kring,
úr kafinu gægist það fljótt,
að það, sem eg yrki, og það, sem eg syng
það þykir nú fólkinu ljótt.

Mig brast ekki viljann en breyzkur eg var,
er búinn að hreyfa mig ögn
og eldurinn brennur sem útkulnað skar,
svo enda eg kvæðið með þögn.

Fækka sporin, kemur kvöld,
kuldi sólarlagsins;
hefi eg borið hálfa öld
hita' og þunga dagsins.

Видео Baggalútur — Allt breytist канала Baggalútur