Мемлекеттік бағдарламалармен салынған үйлерде халық неге жанын шүберекке түйіп өмір сүруі тиіс?

Өскеменде мемлекеттік бағдарламамен салынған көпқабатты үйлердің сапасы сын көтермей жатыр. Мәселен, қатты соққан желден үйлердің сыртқы қабаты ұшып, тұрғындардың үрейін әбден қашырған. Жалғыз үй болса жарар, қыс қылышын сүйретіп келгенде, өпкен желдің екпініне төтеп бере алмайтын үйлер Өскеменде қалыпты жағдайға айналған. Тұрғындардың үрейін алған баспана жайын өңірдегі тілшіміз Қайнар Егізбай біліп қайтты.
Жібек маталар комбинаты ықшамауданында мемлекеттік бағдарламен салынған бұл үйдің қолданысқа берілгеніне бар жоғы екі жыл болған. Жаңа деген аты болмаса, құрылыста кеткен кем-кетігі көп. Тұрғындардың айтуынша, көпқабатты үйдің сыртқы сылақтары жел тұрса ұшып, маңайдан өткендердің зәре-құтын қашырады. Ол аз дегендей үйдің жертөлесі де суға тола бастаған.
Дегенмен, тұрғындардың сапасыз салынған үйде тұрудан басқа амалы жоқ. Көбісі пәтерлерін қарызға батып, несиеге алған. Ал, сыртқы қабаты қираған үйлерді мердігер компания кепілдік мерзіміне сәйкес қайта толық қалпына келтірмек. Бірақ, оғанға дейін мамандар үйді уақытша қаптап әлек.
АБЫЛАЙХАН ҚАБДЕНОВ, «ST Cтрой Сервис» ЖШС өкілі:
– Тұрғындар айтып жатыр. Кеше істеді. Сосын істемей кетіп қалды деп. Кешеде қатты желдің салдарынан уақытша жөндеп қойдық. Біз бүгінде жұмыс істеуіміз керек еді. Бірақта материалдың бәрін заказ беріп жұмыстар жасалуда. Гарантиямен жұмыс істеп жатырмыз.
Мұнда құрылыс сапасы сын көтермейтін бірнеше жаңа үй бар. Тұрғындар олардың сыртқы қасбеті сәл жел тұрса қауіп төндіретін айтады. Сондықтан барлығын мұқият тексеріп, қалпына келтіру керек дейді. Ал әкімдіктегілер сыртқы сылағы опырылған баспана, сапалы салынды деуден әрі аспай отыр.
МАДИЯР АБЫЛҚАНОВ, Қалалық құрылыс бөлімінің маманы:
– Көңілдері толмағанда ол бәрі сапалы салынған. Заңға сай салынды. Материалдары бюджеттік үйдің талаптары бойынша салынған. Біз барлық түрғындардың шағымдарын мердігер ұжым арқылы жіберіп, егерде өздері шаққан жағдайлар болмаса біз қарастырамыз.
Айта кету керек, үйдің кем-кетігін уақытша жамай тұру Өскеменде қалыпты жәйт. Дәл осылай Бауыржан Момышұлы көшесіндегі қабырғасы опырылған үй де бірнеше мәрте жөнделген еді. Ал кепілдік мерзімі біткен үйлердің кем-кетігін кім жөндері белгісіз.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#ТҮКШ #НұрлыЖер #мемлекеттік_бағдарлама #баспана #үй_cапасы

Видео Мемлекеттік бағдарламалармен салынған үйлерде халық неге жанын шүберекке түйіп өмір сүруі тиіс? канала Информбюро 31