Stabat Mater by JERYCHO

Stabat Mater by JERYCHO dir. Bartosz Izbicki
2018
sound: Kuba Pietrzak

traditional melody from Poland

Full text (manuscript from Bologna, end of 13th century - transcription: Cesarino Ruini)

1. Stabat Mater dolorosa
iusta crucem lacrimosa,
cum pendebat filius.

2. Cuius animam gementem,
consternatam et dolentem
pertransibat gladius.

3. O quam tristis et aflicta
fuit illa benedicta
Mater unigeniti!

4. Que merebat et gemebat
et dolebat, cum videbat
nati penas incliti.

5. Quis est homo, qui non fleret,
Christi Matrem si videret
dolentem cum filio?

6. Quis non posset contristari,
piam Matrem contemplari
in tanto suplicio?

7. Pro pecatis sue gentis
Yhesum vidit in tormentis
et flagellis subditum.

8. Vidit suum dulcem natum
morientem, desolatum,
cum emisit spiritum.

9. Eia, Mater, fons amoris,
nos sentire vim doloris
fac, ut tecum lugeam.

10. Fac, ut ardeat cor meum,
diligendo Christum Deum
et sibi conplaceam.

11. Sancta Mater, istud agas,
crucifissi fige plagas
cordi nostro vallide.

12. Tui nati vulnerati
iam dignati pro me pati
penas mecum divide.
13. Fac me vere tecum flere,
crucifisso condolere,
donec ego vixero.

14. Iuxta crucem tecum stare,
te libenter sociare
in plantu desidero.

15. In me sistat dolor tui,
crucifixo fac me frui,
dum sum in exilio.

16. Hunc dolorem fac comunem
nec me facias inmunem
ab hoc desiderio.

17. Virgo, virginum pleclara,
michi iam non sis avara,
fac me tecum plangere.

18. Fac, ut portem Christi mortem,
passionem eius fortem
et plagas recolere.

19. Fac me plagis vulnerari,
cruce fac inhebriari
et cruore filii.

20. Inflamata et accensa
per te, Virgo, sim defensa
in die iudicii.

21. Fac me cruce custodiri,
morte Christi premuniri,
conservari gratia.

22. Quando corpus morietur,
fac ut anime donetur
paradisi gloria.

Видео Stabat Mater by JERYCHO канала Jerycho