Қауіпсіздікке жауап беретін барлық құрылым өз жұмыстарын өзгертуі керек – Қ.Тоқаев

Мемлекет басшысының төрағалығымен Қауіпсіздік кеңесінің отырысы өтті.
Онда ұлттық қауіпсіздікті қамтамасыз ету жүйесін қайта құру және нығайту шаралары қарастырылды. Президент қауіпсіздікке жауап беретін барлық құрылым өз жұмыстарын өзгертіп, мемлекеттік органдар өткен оқиғадан сабақ алуы тиіс екенін айтты.
– Бұдан былай қылмыстық топтар мен террористер қалаларымызды басып алып, азаматтар мен олардың отбасыларының бейбіт өміріне қол сұғып, мемлекеттілігімізге қауіп төндірмеуі үшін шаралар қабылдауға міндеттіміз. Ұлттық қауіпсіздік жүйесін қайта құру ісінің мақсаты да осы, – деді Қасым-Жомарт Тоқаев.
Сондай-ақ ол ұлттық қауіпсіздіктің барлық бағытын нығайту жөніндегі нақты шараларды кешіктірмей жүзеге асыруға кірісуді тапсырды. Қауіпсіздік кеңесі отырысының барысында ұлттық қауіпсіздік жүйесін реформалауға бағытталған нақты шешімдер қабылданды, деп хабарлайды Ақорданың баспасөз қызметі.

«Хабар 24» арнасына жазылыңыздар: http://bit.ly/31WnObW
Біздің сайт - https://24.kz

Видео Қауіпсіздікке жауап беретін барлық құрылым өз жұмыстарын өзгертуі керек – Қ.Тоқаев канала Телеканал Хабар 24