Tural Abbaslı ilə CANLI yayın - KTMT Qaragölə niyə qarışmadı?

ABŞ və Fransanın Minsk Qrupu israrı - Bakı çətin seçim qarşısında.... Azərbaycan-Ermənistan sərhəddində baş verən hadisələr ABŞ və Fransanın əlinə düşmüş fürsət kimi oldu, Qarabağ münaqişəsinin həllində kənarda qalan hər iki ölkə bəyanatlar verdi, “problemlər qalır”, “biz də varıq” dedilər. Mayın 16-da ABŞ dövlət katibi Entoni Blinken və Fransanın xarici işlər naziri Le Drian digər məsələlərlə yanaşı "Dağlıq Qarabağ münaqişəsinin uzunmüddətli siyasi nizamlanmasının vacibliyinə toxunaraq ATƏT-in Minsk Qrupu çərçivəsində iki ölkənin əməkdaşlıq məsələsini ediblər". Bu barədə Dövlət Departamentinin mətbuat katibi Ned Praysın məlumatında deyilir. Prezident İlham Əliyev konkret ad çəkməsə də, Naxçıvanda verdiyi açıqlamalarda “Qarabağ münaqişəsinin həll edildiyini“ bir daha təkrar edərək, bu məsələdə vasitəçilərə ehtiyac qalmadığına işarə edib. Yəni Bakının mövqeyi aydındır. Amma ABŞ və xüsusilə Fransa həmsədrləri yenidən fəallaşdırmaqda israrlıdırlar, dövlət katibi ilə fransalı nazirin son telefon danışığı da bunu sübut edir. Maraqlıdır ki, hər iki ölkənin bu dəfəki bəyanatları bir-birlərindən çox da fərqlənmədi, Azərbaycana qınayıcı sözlər sərf edildi, xüsusilə Fransa tərəfindən. Bəs bu israrların qarşısında nə etməliyik, Minsk Qrupu ilə əməkdaşlığı birtərəfli kəsəriksə, nə olar?

Paşinyanın “peşka” gedişi - KTMT Qaragölə niyə qarışmadı? Ermənistan Qarabağ müharibəsində KTMT-ni münaqişəyə cəlb edə bilmədi, o zaman İrəvana “Ermənistan sərhədlərində münaqişə baş verərsə biz qarışa bilərdik”, dedilər. İndi Ermənistan fürsət gözləyirmiş kimi sərhədlərin müəyyənləşməsi ilə bağlı baş verənləri dərhal “hərbi təcavüz” kimi qiymətləndirdi KTMT-dən hərbi dəstək istədi. Bu qurumda əsas söz sahibi Rusiyadır və onun razıllığı olmadan heç bir ölkə ordusu münaqişədə tərəf ola bilməz. Tacikistan-Qırğızıstan sərhəddində bu yaxınlarda müharibə oldu, ən azı 40 adam öldü, amma KTMT bu məsələyə demək olar ki, reaksiya vermədi. Hər iki üzv ölkənin sərhəddə qan tökməsi KTMT-nin əslində həm də etibarsız, Rusiyanın hökmranlıq etdiyi hərbi blok olduğunu təsdiqlədi. Ermənilər də bunu bildiyi üçün Rusiyanın üzərinə şikayətə getdilər, Paşinyan Rusiya prezidentinə zəng etdi. Bu bir az şantaj siyasətinə də oxşadı, yəni “Qarabağda bizə kömək etmədin, bəs indi buna niyə qarışmırsan?”. Üstəlik, Paşinyan erməni ictimaiyyətinə də üstüörtülü mesaj verilmiş oldu ki, o Rusiyanın adamı deyil, belə olsaydı sözü eşidilərdi və sairə...Amma bu kimi “peşka” gedişləri ilə Rusiyanı “mat” eləmək mümkün deyil.

Xankəndində ermənilərin son dərəcə ümidsiz olması barədə erməni mənbələrinin xəbərləri təsdiqlənir. Bu barədə tanınmış Rusiya tarixçisi Oleq Kuznetsov geniş danışıb. Onun fikrincə, Araik Arutyunyan və Vitali Balasanyan həbs oluna, hətta İrəvana aparılmadan birbaşa Bakıya təhvil verilə bilər. O halda ki, Rusiya sülhməramlılarına qarşı çıxa...
General Rüstəm Muradovun Qarabağı tərk etməsi nəyi dəyişə bilər? Erməni mediası Muradovun yerinə Cənub Hərbi Dairə Komandanının müavini, general-leytenant Aleksey Avdeyevin təyin ediləcəyi barədə yazır. A. Avdeyevin hətta sülhməramlıların gələcək komandanı kimi, təhvil-təslim işlərinə başladığını iddia olunur. Ermənista mediası həm də iddia edir ki, Muradovun geri çağırılmasının səbəbi onların narazılığıdır. Yeni sülhməramlı generalın gəlməsi nəyi dəyişə bilər, ermənilər Muradovun müsəlman kimliyinə görəmi narahat idilər? Muradovun bəzi hərəkətləri (Araiklə qucaqlaşması və sair) Azərbaycanda da qıcıq doğururdu. Rusiyanın Milli Qəhrəmanı olan R.Muradov üçün Qarabağda sülhməramlı korpusa rəhbərlik etmək zatən müvəqqəti idi, yoxsa Moskva bəzi şikayətlərə görə onu dəyişə bilər?

Bu və gündəmdəki digər mövzular Ağ Partiyanın sədri Tural Abbaslı ilə müzakirə edirik

Видео Tural Abbaslı ilə CANLI yayın - KTMT Qaragölə niyə qarışmadı? канала TV Musavat