КЪАРАЧАЙЫМ МАЛКЪАРЫМ

"Къарачайым-малкъарым"
макъамы Тюрклюлени Борисни
Сёзлери Созарукъланы Норийни

Деу аланла зорчуладан, джауладан
Кёб ёмюрлени Аллах блаа сакъланнган,
Сейир джуртну эркелете, ийнакълай,
Биз джашайбыз, Малкъар бла Къарачай!

"Бу дунияны джандети", деб аталгъан,
Тау джерибиз махтау бла айтылгъан.
Сууларыбыз – тамам кюмюш белибау,
Къууанчыбыз – эки башлы Минги Тау.

Къарачайым, Малкъарым!
Экибиз да – эки учар къанатым.
Бир миллетден джаратылгъан эки халкъ,
Шох турабыз, бир-бирге болуб джакъ.

Бир миллетден джаратылгъан эки халкъ,
Шох турабыз, бир-бириге болуб джакъ.

Тамаданы сыйлаб, орун бергенле,
Тиширыуну ана къачын кёргенле,
Къартларыбыз – тюз оноулу, келбетли,
Джаш тёлюбюз – тау намыслы, адетли.

Къыйын кюнде шохун, тенгин сатмагъан,
Башхалагъа сауут алыб чабмагъан,
Тюзлюк джолда тенг атлагъан эгизле,
Зорлукъ, ачыу сынамагъыз ёмюрде!

Къарачайым, Малкъарым!
Экибиз да – эки учар къанатым.
Бир миллетден джаратылгъан эки халкъ,
Шох турабыз, бир-бирге болуб джакъ.

Бир миллетден джаратылгъан эки халкъ,
Шох турабыз, бир-бирге болуб джакъ.

Къарачайым, Малкъарым!
Экибиз да – эки учар къанатым.
Бир миллетден джаратылгъан эки халкъ,
Шох турабыз, бир-бирге болуб джакъ.

Бир миллетден джаратылгъан эки халкъ,
Шох турабыз, бир-бирге болуб джакъ.

Видео КЪАРАЧАЙЫМ МАЛКЪАРЫМ канала Elbrusoid