Зейнетақы қорындағы ақшаңызды енді «Отбасы банкіне» аударып, баспана алуға мүмкіндігіңіз бар

Енді зейнетақы қорындағы шекті мөлшерден асатын қаражатыңызды Отбасы банкіндегі депозитіңізге аударуға мүмкіндік берілмек. Яғни, осы арқылы да бастапқы жарнаны жинауыңызға болады. Сондай-ақ, елімізде бірыңғай тұрғын үй бағдарламасы іске қосылады.
Үйлі болуға үмітті азаматтар енді зейнетақы қорындағы шекті мөлшерден асатын қаражатын ай сайын Отбасы банкіндегі депозитіне аудара алады. Яғни, айлығыңыздың 10 пайызын енді тұрғын үйдің бастапқы жарнасына деп жинай аласыз. Бастысы қордағы шекті мөлшерден асуы қажет. Нақты талаптары осы айда мәжілісте қаралып, жыл соңына дейін іске қосылуы мүмкін.
ЛӘЗЗАТ ИБРАГИМОВА, "ОТБАСЫ БАНКІ" АҚ басқарма төрайымы:
– Бұл жас отбасыларға үлкен мүмкіндік. Өйткені, осы уақытқа дейін 18 бен 29 жас аралығындағы жастардың зейнетақы қорндағы шекті мөлшерден асатын сомасы 1 миллион теңге шамасында. Олар бұл қаражатты тек емге жұмсай алатын. Статистикаға қарасақ, екі мыңыншы жылдан бері дүниеге келіп жатқан бала саны артуда. Біздің есеп бойынша алдағы 5 жылдың ішінде 120 мың жас отбасы баспанаға мұқтаж болады.
Баспана Хит пен 7-20-25 бағдарламаларына бөлінген қаражаттың толық игерілуі, жаңа бірыңғай тұрғын үй жобасын дайындауға түрткі болды. Мемлекеттік бастама болғандықтан қарапайым халыққа қолжетімді болуы басты шарт.
АЙБАР ОЛЖАЕВ, «ҚАЗАҚСТАННЫҢ ОРНЫҚТЫЛЫҚ ҚОРЫ» АҚ сыртқы байланыстар қызметінің бас менеджері:
– Мемлекеттік бағадарлама болғандықтан әрине, несие пайыздық ставкалары базалық ставкадан төмен болуы керек. Бір жағынан алып қарағанда әрине өзінің бір жеңілдіктері болады. Екінші үлкен сұрақ ол қандай жүйеге негізделеді. Тұрғын үй құрылыс жинақ жүйесіне негізделеді ме, классикалық банк ипотекасы бола ма, әлде гибридтік формалары бола ма ол жағы әзірге белгісіз. Ол жағын оператор ғана айта алады.
Бірыңғай тұрғын үй бағдарламасының Орталық әкімшісі Отбасы банкі болады. Банк Төрайымының айтуынша, жаңа жоба "бақытты отбасы" мен "шаңырақ" бағдарламасына ұқсас келеді екен. Пайыздық мөлшерлемесі екі пайыз бен бес пайыздың арасында. Азаматтар тек тұрғын үйге мұқтаж екендіктерін кезекке тұрып дәлелдесе жеткілікті
ЛӘЗЗАТ ИБРАГИМОВА, "ОТБАСЫ БАНКІ" АҚ Басқарма төрайымы:
– Отбасы мүшесінің біреуі міндетті түрде әкімдікте үй кезегінде тұру керек. Кей жағдайда бір отбасынан бірнеше адам үй кезегінде тұруы мүмкін. Мысалы, зейнет жасындағы әжелері, мемлекеттік қызметтегі ұлы, көпбалалы отбасы ретінде сол үйдің келіні. Осы ретте кімнің алғашқы болып өтетінін және кімге қандай талаптардың қойылатынын кешенді түрде қарастырамыз.
Ал өз атында үйі бар бола тұра, тағы да баспаналы болғысы келген азаматтар бұл бірыңғай бағдарламаға қатыса алмайды. Тек үйдің 50 пайыз сомасын жинаған жағдайда ғана төмендетілген пайызбен несие алуға мүмкіндік беріледі. Өйткені бүгінде 500 мың қазақстандық үй кезегінде тұр екен.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#зейнетақы #баспана #ОтбасыБанк #бағдарлама

Видео Зейнетақы қорындағы ақшаңызды енді «Отбасы банкіне» аударып, баспана алуға мүмкіндігіңіз бар канала Информбюро 31