Әкімде үй көп, елде күй жоқ

Жамбыл облысында 31 мың 570 адам тұрғын үй кезегінде тұр. Облыс әкімі Бердібек Сапарбаев бүгін орталық коммуникациялар алаңында өткен брифингте бұл мәселені шешу үшін жыл соңына дейін 651 мың шаршы метр тұрғын үй ел игілігіне беріледі деді. Бірақ Жамбыл облысында баспана мәселесі ушығып тұрғаны жайлы білмейтін әкімдер де бар секілді. Мәселен, Сарысу ауданының әкімі қызметтік пәтерін хан сарайындай етіп жасап алған. Көпқабатты үйдегі төрт пәтерді жеке резиденцияға айналдырып, тіпті тұрғын үйге жапсарлас ұзындығы 7 метрікк көлікжай соққан. Айтуынша, бұл үкімет қаражатын үнемдеудің оңтайлы әдісі екен.
Сарысулықтардың бір бөлмелі баспанаға қол жеткізе алмай жүргенінін айтқан тұрғын аудан әкімнің қызметтік пәтерін түсіріп, желіге жүктеген. Айтуынша, аудан басшысы Марат Сұлтанғалиев көпқабатты үйдің кіре берісіндегі 4 пәтерді иемденіп алыпты. Тіпті, қосымша құрылыс жүргізіп, көлікжай да соқтырғанын айтады. Үйіне де сол гараж арқылы кіреді дейді.
Аудан әкімі қызметтік пәтердің аумағы 130 шаршы метрден аспайтынын және бұл қызметке екі-ақ ай бұрын тағайындалғанын айтты. Әрі, бұл пәтер де өзіне дейінгі басшылардан қалған деп ақталып отыр. Бұл ақпараттың анық-қанығын білу үшін бұрынғы әкімге хабарластық. Алайда, денсаулығына байланысты қызметінен кеткен экс басшысының телефоны сөндірулі екен. Ал, Марат Сұлтанғалиев аудан басшысы тұратын баспананы бөлек соғу - үкіметке тиімсіз дейді. Себебі жаңа үйдің құрылысын жүргізіп, инфрақұрылым тарту үшін қыруар қаржы керек екен.
МАРАТ СҰЛТАНҒАЛИЕВ, Сарысу ауданының әкімі:
– 10 соток па, 8 соток па жер бөліп, оған үй соғып, оған коммуникациясын тарту ол бәрібір аудан әкімінің не аудан әкімдігінің қаражаты емес. Коммуникациясы бар, кәріз жүйесі бар, жылуы бар. Сондықтан оны күтіп ұстау үкіметке, мемлекетке тиімсіз, ауыр болғандықтан, осындай шешімге келіп, мен бұл шешімді дұрыс деп қолдап отырмын.
Шенеунік аймақ басшылығы Жамбыл облысындағы бірнеше ауданның тізгінін ұстауды ұсынғанын айтып, ағынан жарылды. Бірақ туған жерінде жұмыс істеуді дұрыс санаған. Сондықтан, әкімдік ұсынған қызметтік пәтерді де қымсынбай қабылдапты. Ал қазір Сарысу ауданында 2000-ға жуық адам тұрғын үй кезегінде тұр.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#әкімнің_үйі #Тараз #Сарысу

Видео Әкімде үй көп, елде күй жоқ канала Информбюро 31