Արմաղան լեռ

Արմաղանը հրաբուխ է Գեղամա լեռնավահանի հվ-արլ. լանջին՝ ՀՀ Գեղարքունիքի մարզում: Լեռան բարձրությունը կազմում է 2829 մ, կոնաձև է։ Ունի մոտ 400 մ տրամագծով, 50 մ խորությամբ խառնարան, որը մասամբ լցված է ջրով, լճի տրամագիծը 50 մ է, խորությունը՝ 15 մ։ Վերին Գետաշեն համայնքի տարածքում է, Մարտունուց 20 կմ հեռավորության վրա։ Կազմված է անթրոպոգենի անդեզիտից, ավազից ու մոխրից: Լանդշաֆտը լեռնամարգագետնային, մերձալպյան է:
2009 թվականին լեռնագագաթին՝ հին մատուռի տեղում, կառուցվել է սրբատաշ, բազալտե, գմբեթավոր եկեղեցի։ Այն օծվել է, Տիրոջ Ս. Պայծառակերպության տոնի նախաշեմին՝ հուլիսի 18-ին, Գարեգին Բ Ծայրագույն Պատրիարք և Ամենայն Հայոց Կաթողիկոսի ձեռամբ։ Ս. Հարություն մատուռը կառուցվել է տաշքենդաբնակ բարերար Ռադիկ Մխիթարյանի օժանդակությամբ, ճարտարապետ՝ Ռաֆիկ Հերգնանի նախագծով:
Ըստ ավանդույթի՝ երբեմն երկնային փերիներն իջնում են լճից ջուր խմելու, և որպեսզի մնան մարդկանց անտեսանելի, այդ պահին լեռնագագաթն ամբողջությամբ մառախուղով է պատվում։
Գեղեցիկ շրջակայքը և գագաթի հրաբխային ծագում ունեցող լիճը և Ս. Հարություն մատուռը լեռը դարձնում են այն Հայաստանի տեսարժան վայրերից մեկը:

Видео Արմաղան լեռ канала Janik Tsaturyan