داتا کون ہے - اللہ کے علاوہ کسی کو داتا کہنا شرک - پروفیسر عبد الرحمن طاھر حفظہ اللہ #داتا #data

بعض لوگ توحید و سنت کے علمبرداروں اور خالص قرآن و حدیث کے پیروکاروں پر یہ الزام لگاتے ہیں کہ وہ ’’اولیائے کرام‘‘کی تعظیم نہیں کرتے ،انہیں مانتے نہیں اور یہ کہ ان کی گستاخی کرتے ہیں۔میں نے ان الزامات کو سامنے رکھتے ہوئے تحقیق کی ہے
ایک سچے مسلمان کا عقیدہ اولیاء کے بارے میں کیا ہونا چاہیے اور اولیاء اللہ کی پہچان کیا ہے ؟اولیاء اللہ کی کونسی صفات ہوتی ہے؟
سب سے پہلے یہ جاننا ضروری ہے کہ ولی کا معنی کیا ہے اور ولی کی اقسام کتنی ہیں ؟یہ بات یاد رکھیں کہ: ولی دو قسم کے ہوتے ہیں (اولیاء اللہ ) اور (اولیاء الشیطان) اب اولیاء اللہ کی صفات کیا ہوتی ہیں اور اولیاء الشیطان کی صفات کیا ہیں تاکہ عام آدمی فرق کر سکے اور اولیاء الشیطان کے چنگل سے بچ سکے ۔اس بارے میں قرآن کی روشنی میں اہل شرک کے اولیاء کے بارے میں عقیدہ کے بار ے میں جاننے کی کوشش کرتے ہیں ۔
اولیاء اللہ کے بار ے میں میرا عقیدہ:
قرآن مجید میں اللہ تعالیٰ نے تقریبًا 12 مقامات پر اولیاء اللہ کے بارے میں فرمایا :
ارشاد باری تعالیٰ ہے ۔
لَا خَوْفٌ عَلَيْهِمْ وَلَا هُمْ يَحْزَنُونَ) (
اللہ تعالیٰ فرماتے ہیں کہ میرے جو دوست(ولی) ہونگے قیامت کے دن نہ انہیں کسی قسم کا خوف ہوگا اور نہ کوئی غم ہو گا ۔
اللہ تعالیٰ نےفرمایا:
(وَمَا لَكُم مِّن دُونِ ٱللَّهِ مِن وَلِىٍّۢ وَلَا نَصِيرٍ)
ترجمہ: ترجمہ: اور تمہارے لیے الله کے سوا نہ کوئی دوست ہے نہ مددگار (سورۃ البقرۃ،آیت: 107)
جن معنوں میں صرف اللہ ہی ولی ہے اور اس کے سوا کوئی دوسرا ولی نہیں ہے ،ان معنوں اور مفہوم میں دوسرا کوئی شخص کسی بندے کو ’’ولی‘‘ بنا دے تو یہ اللہ کے ساتھ شرک ہو گا۔مثال کے طور پر مشکل وقت میں صرف اللہ تعالیٰ کو ہی پُکارنا چاہیے ،لیکن اگر کوئی شخص کسی بزرگ بندے کو آواز دیتا ہے کہ وہ میری کشتی کو پار لگائے ،وہ قبر میں پڑا روحانی قوت سے اسے ساحل پر اتارےتو اللہ تعالیٰ ایسے لوگوں کو چیلنج کے انداز میں سمجھاتے ہیں۔
مشرکین کے بارے میں قرآن کا فیصلہ
ار شاد باری تعالیٰ ہے ۔
(إِنَّ ٱلَّذِينَ تَدْعُونَ مِن دُونِ ٱللَّهِ عِبَادٌ أَمْثَالُكُمْ ۖ فَٱدْعُوهُمْ فَلْيَسْتَجِيبُوا۟ لَكُمْ إِن كُنتُمْ صَٰدِقِین)
ترجمہ: بے شک جنہیں تم الله کے سوا پکارتے ہو وہ تمہاری طرح کے بندے ہیں پھر انہیں پکار کر دیکھو پھر چاہے کہ وہ تمہاری پکار کو قبول کریں اگر تم سچے ہو (سورۃ الاعراف،آیت:194 )
وہ بندے کہ جنہیں بزرگ،پیر اور ولی مان کر لوگ پکارتے ہیں تو جب ان پکارنے والوں سے کہا جاتا ہے کہ اللہ کے بندو! ان ولیوں کی عبادت مت کرو،اولیائے کرام کو معبود نہ بناؤ تو وہ جھٹ کہہ اٹھتے ہیں۔
ارشاد خدا وندی ہے ۔
(وَٱلَّذِينَ ٱتَّخَذُوا۟ مِن دُونِهِۦ أَوْلِيَآءَ مَا نَعْبُدُهُمْ إِلَّا لِيُقَرِّبُونَآ إِلَى ٱللَّهِ زُلْفَىٰ)
ترجمہ: جنہوں نے اس کے سوا اور کارساز بنا لیے ہیں ہم ان کی عبادت نہیں کرتے مگر اس لیے کہ وہ ہمیں الله سے قریب کر دیں بے (سورۃ الزمر،آیت:3 )
یعنی اولیائے کرام اللہ تعالیٰ اور ہمارے درمیان واسطہ ہیں ،وہ ہمیں اللہ کے قریب کر دیتے ہیں اور چونکہ وہ خود اللہ کے بہت قریب ہیں اس لیے وہ ہماری مدد بھی فرتے ہیں،اس لیے کہ اللہ ان کی بات کو ر د نہیں کرتااور چونکہ ہم ان کے مرید ہیں اور مردی ہونے کے ناطے وہ ہمارے احوال سے آگاہ بھی ہیں اس لیے ہماری فریاد ان کے آگے ہے اور ان کی اللہ کے سامنے ۔
تو ان عقائد پر اللہ تعالیٰ ضرب شدید لگاتے ہوئے ارشاد فرماتے ہیں۔
(وَمَا كَانَ لَهُم مِّنْ أَوْلِيَآءَ يَنصُرُونَهُم مِّن دُونِ ٱللَّهِ)
ترجمہ: اور ان کا الله کے سوا کوئی بھی حمایتی نہ ہوگا کہ ان کو بچائے (سورۃ الشوری،آیت: 46)
اس آیت پر ،اس اعلان پر ،اس فرمان عزت پر بار بار غور کرو اور سوچو اور جواب دو کہ آخر تم نے اللہ میں کیا کمزوری دیکھی ہے کہ ولیوں کو اللہ اور مخلوق کے درمیان واسطہ مان لیا ہے؟کیا اللہ ان واسطوں وسیلوں کے بغیر اپنی مخلوق سے رابطہ نہیں رکھ سکتا؟یقینا وہ بڑا زبردست اور باریک بین ہے ،قوتوں والا ہے،وہ ایسی کمزوروں سے پاک ہے۔لہذا باز آ جاؤ!اور اللہ کے اعلان عزت کے بعد اللہ کے وقار و عزت کے منافی عقیدہ اور گفتگو سے رُک جاؤ۔
یاد رکھو!یہ جو لوگوں نے ولایت ولایت کی رٹ لگا رکھی ہے کہ فلاں ولی کو ولایت مل گئی،فلاں ولی کو فلاں چلہ کرنے سے ولایت مل گئی تو لایت کہ ٰجس کا معنی (اقتدار و اختیار )ہے،یہ اقتدار و اختیار اُسے کس نے دیا؟کیا اللہ نے دیا؟کیا اللہ اپنے اختیار ان بندوں کے سپرد کر رہا ہے؟کیا وہ غوث،قطب،ابدال اور قیوم کے عہدے بنا کر اپنی بادشاہت ان بندوں کے سپرد کر رہا ہے؟اور کیا وہ خود فارغ ہو گیا ہے؟استغفراللہ،نعوذباللہ،اللہ تعالیٰ کی پناہ ایسے خیالات اور فاسد تصورات سے۔
اولیاء الشیطان کی پہچان
ارشاد باری تعالیٰ ہے۔
وَالَّذِيْنَ كَفَرُوْٓا اَوْلِيٰھُمُ الطَّاغُوْت
اور جو لوگ کافر ہیں، ان کے ولی شیطان ہیں
يُخْرِجُوْنَـھُمْ مِّنَ النُّوْرِ اِلَى الظُّلُمٰتِ
انہیں روشنی سے نکال کر تاریکیوں میں دھکیلتے ہیں۔
اُولٰۗىِٕكَ اَصْحٰبُ النَّارِ
وہی دوزخی ہیں اور وہ اس میں ہمیشہ رہنے والے ہیں۔(البقرہ: ۲‘۲۵۷)

Видео داتا کون ہے - اللہ کے علاوہ کسی کو داتا کہنا شرک - پروفیسر عبد الرحمن طاھر حفظہ اللہ #داتا #data канала JMU