ΣΑ ΡΑΧΙΑ ΤΗ ΣΑΜΨΟΥΝΤΑΣ

Σα ραχία τη Σαμψούντας κ' σο Κασαμπάν
ση Σεβάστεια, ση Πάφραν κ' ους το Ερεβάν
παλικάρια α 'σον Πόντον τον ντουσμάνον κρουν
ειν' ολίγα άμα μάνα μ' τοι πολλούς νικούν
ορκισμένα είναι μάνα μ' ατοι θα νικούν.

Τον Χαραλαμπίδην έχνε ατοίν αρχηγόν
και τον Κοντορακονίδηντον σταυραετόν
τον αητόν τον Τσαουσίδην, τον Παντελ-αγά
τον Ανθόπουλον τον Βάσον, τον Αντών-πασσά.

Καπετάνος δοξασμένος και παλικαράς
με παιδία έναν κ' έναν ο Κωστ' Αναστάς
ους τη Χάρτζας τα ραχία ατός κατεβαίν'
τον ντουσμάνον με μανίαν κρούει και διαβαίν'.

Σα ραχία ξημερών 'νε και κοιμούνταν 'νε
τον ντουσμάνον 'κι τσαλεύνε 'κι φογούνταν 'νε
για τον Πόντον πολεμούνε λύγουνταν ατοί
τα κορμία τουν αφήν' νε απάν σο ραχήν.

Видео ΣΑ ΡΑΧΙΑ ΤΗ ΣΑΜΨΟΥΝΤΑΣ канала FOTIS RAPTIS