ATU-NUN ANATOMİYA MUZEYİNDƏ SAHİBSİZ İNSAN MEYİTLƏRİ SƏRGİLƏNİR

Sirlərlə dolu bir aləm, sehrli məkan. Azərbaycan Tibb Universitetinin Anatomiya Muzeyi ziyarətçilərdə məhz belə təəssürat yaradır. Bu muzey hər kəsi heyrətləndirir - istər yerli sakinləri, istərsə də əcnəbi qonaqları. Burada sahibsiz insan meyitləri, kəllə, əl, ayaq, kürək sümükləri, mumiyalar, daxili orqanlar və digər maraqlı əşyalar sərgilənir. Muzeydə saxlanılan təxminən 5 min eksponatdan tədris prosesində də istifadə edilir. Burada daha çox diqqəti kəllə skeletləri çəkir. Təxminən 11-ci əsrə aid olan skeletlərin bir qismi Mingəçevir Su Elektrik Stansiyası tikilərkən köhnə qəbirlərdən çıxan kəllələrdir. Kəllə eksponatlarının sayından asılı olaraq tədqiqat işlərinin də həcmi böyükdür.
Muzeydə diqqət çəkən eksponatlardan biri yüz ilə yaxındır saxlanılan mumiyalardır. Bu mumiyaların hər birinin mindən çox yaşı var. İki kişi və bir qadının meyiti o zaman məscid və kilsələr söküləndə çıxarılıb. Onlar ildə bir dəfə xüsusi dərman və vasitələrlə təmizlənir.
Muzeydə qüsurlu doğulan uşaqların, siam əkizlərinin meyitləri də saxlanılır. Burada akraniya, el arasında “su yığımı” adlanan beyin yırtığı, onurğanın arxadan yarığı, dovşandodaqlıq və digər fiziki qüsurlu doğulan və dünyasını dəyişən uşaqların meyitləri formalin dolu bankalarda saxlanılır. Bu körpələr müxtəlif xəstəliklərin təsiri nəticəsində qüsurlu doğulublar.
Anatomiya Muzeyi Prezident İlham Əliyevin Sərəncamı ilə 2018-ci ilin “Azərbaycan Xalq Cümhuriyyəti İli” elan edilməsi münasibətilə açılıb. İnsan anatomiyası kafedrasının yaranma tarixi məhz Azərbaycan Xalq Cümhuiyyəti dövrünə təsadüf edir. Belə ki, bu kafedra fəaliyyətinə 1919-cu ilin əvvəllərində başlayıb. Kafedranın yerləşdiyi bina 1953-cü ildə istifadəyə verilib. Həmin vaxtdan muzey də bura köçürülüb. Mədəniyyət və Turizm Nazirliyi muzeyi ictimai əsaslarla öz nəzarətinə götürüb.

Видео ATU-NUN ANATOMİYA MUZEYİNDƏ SAHİBSİZ İNSAN MEYİTLƏRİ SƏRGİLƏNİR канала CBC TV Azerbaijan