លោកត្រាំ ប្រកាសផ្ដល់ជំនួយអោយអ៊ុយក្រែនឡើងវិញជាបន្ទាន់ ដើម្បីទប់ទល់នឹងរុស្ស៊ី

លោកប្រធានាធិបតី ដូណាល់ ត្រាំ បាននិយាយនៅថ្ងៃចន្ទថា សហរដ្ឋអាមេរិកនឹងត្រូវផ្ញើអាវុធបន្ថែមទៅឱ្យអ៊ុយក្រែន ប៉ុន្មានថ្ងៃប៉ុណ្ណោះក្រោយពីលោកបានបញ្ជាឱ្យផ្អាកការដឹកជញ្ជូនអាវុធដ៏សំខាន់ទៅកាន់ទីក្រុងកៀវ។
សេចក្តីថ្លែងការណ៍របស់លោក ត្រាំ ហាក់បីដូចជាការផ្លាស់ប្តូរជំហរភ្លាមៗ បន្ទាប់ពីក្រសួងការពារជាតិ សហរដ្ឋអាមេរិកបានប្រកាសកាលពីសប្តាហ៍មុនថា ខ្លួននឹងផ្អាកការផ្គត់ផ្គង់មីស៊ីលការពារដែនអាកាស គ្រាប់ផ្លោងបាញ់ចំគោលដៅច្បាស់លាស់ និងអាវុធផ្សេងទៀតទៅឱ្យអ៊ុយក្រែន នេះក៏ដោយសារមន្ត្រីអាមេរិក បានលើកឡើងពីក្តីបារម្ភថា ស្តុកអាវុធអាមេរិកមានថយចុះខ្លាំងពេក។
លោក ត្រាំ បាននិយាយថា៖ «យើងតែត្រូវធ្វើវា! ពួកគេត្រូវតែមានសមត្ថភាពក្នុងការការពារខ្លួន។ ពេលនេះ ពួកគេកំពុងរងការវាយប្រហារយ៉ាងខ្លាំង។ យើងនឹងផ្ញើអាវុធបន្ថែមទៀត ជាពិសេស គឺអាវុធសម្រាប់ការពារ»។
ការផ្អាកនេះបានកើតឡើងនៅពេលដ៏លំបាកសម្រាប់អ៊ុយក្រែន ដែលកំពុងប្រឈមនឹងការវាយប្រហារតាម អាកាស កាន់តែញឹកញាប់ និងសម្ពាធយ៉ាងខ្លាំងពីរុស្ស៊ី ក្នុងរយៈពេលជាងបីឆ្នាំនៃសង្គ្រាមនេះ។ មន្ត្រីអ៊ុយក្រែន បាននិយាយនៅថ្ងៃចន្ទថា ការវាយប្រហាររបស់រុស្ស៊ីទៅលើអ៊ុយក្រែន បានសម្លាប់ជនស៊ីវិលយ៉ាងហោចណាស់ ១១ នាក់ និងបានធ្វើឱ្យជាង ៨០ នាក់ផ្សេងទៀតរងរបួស ក្នុងនោះមានកុមារ ៧ នាក់។

Видео លោកត្រាំ ប្រកាសផ្ដល់ជំនួយអោយអ៊ុយក្រែនឡើងវិញជាបន្ទាន់ ដើម្បីទប់ទល់នឹងរុស្ស៊ី канала KH Samray News