Qazaxıstanda yaşayan həmyerlilərimizə mükafatları təqdim olunub

Qazaxıstanın Almatı şəhərində Azərbaycan Prezidentinin xalqlar arasında dostluğun möhkəmləndirilməsi və diasporun inkişafı sahəsindəki xidmətlərinə, eləcə də mədəniyyət və incəsənət sahəsindəki nailiyyətlərinə görə təltif etdiyi mədəniyyət xadimlərinə medallar təqdim edilib.

Azərbaycanın Qazaxıstandakı səfirliyinin və bu ölkənin Xalqlar Assambleyasının Almatı şəhərində təşkil etdiyi mərasimdə çıxış edən səfir Rəşad Məmmədov dövlətimizin diaspor siyasəti, bu sahədə görülən işlər barədə danışıb. O deyib ki, Qazaxıstan Prezidenti Nursultan Nazarbayevin rəhbərlik etdiyi Xalqlar Assambleyasının müavininin həmyerlimiz Əbülfəz Xamedov olması əldə edilən nailiyyətlərin göstəricisidir. Diplomat Azərbaycan dövlətinin Qazaxıstanda yaşayan həmyerlilərimizə diqqət və qayğısından da bəhs edib.

Səfir qazax dili üzrə mütəxəssis, tanınmış həmyerlimiz Əsli Osman və tanınmış heykəltəraş Rəhman Vaqif qardaş Qazaxıstanın ictimai, mədəni həyatında xidmətlərindən danışıb. Bildirib ki, məhz bu xidmətlərinə görə hər iki şəxs Azərbaycan Prezidentinin Sərəncamı ilə “Tərəqqi” medalına layiq görülüb. Sonra səfir dövlət başçısının Sərəncamını oxuyub, medalları sahiblərinə təqdim edib.

Qazax dili və ədəbiyyatı üzrə filoloq-alim Əsli Osman 1941-ci ildə anadan olub. “Dövlət dili” Respublika Hərəkatının aparıcı xadimlərindən biri, eləcə də Xalq Assambleyasının üzvü kimi Qazaxıstanda tanınmış ziyalılardan sayılır. Qazaxıstan dövlətinin ən nüfuzlu mükafatları ilə təltif olunub.

Qazaxıstanın Əməkdar Rəssamı Vaqif Rəhman isə 1940-cı ildə Bakıda anadan olub. 1998-2003-cü illərdə Kanadada çalışıb. Bir neçə beynəlxalq mükafatlar laureatıdır. Heykəltəraşlıqda yeni janrın əsas yaradıcılarından hesab edilir. Rəngli və bahalı şüşələrdə şəbəkə və modern rəsmləri ilə böyük tamaşaçı auditoriyası qazana bilib. O, adi, lakin mürəkkəb quruluşa malik heykəltəraşlıq nümunələri yaratmaqla öz daxili aləmini ifadə edir.

Mərasimdə Almatıda yaşayıb-yaradan görkəmli həmyerlilərimiz haqqında fikirlər səsləndirilib. İki qardaş xalq arasında mədəni, elmi əlaqələrin daha da inkişaf etdirilməsinin vacibliyi bir daha vurğulanıb.

Видео Qazaxıstanda yaşayan həmyerlilərimizə mükafatları təqdim olunub канала Fadil Pashayev