Դեդ Հասանի մահից հետո գրողը շատ բաներից է վախենում

Հիմնական հեղինակությունների դեմ մահափորձից հետո միշտ էլ հեղափոխություններ են լինում. արքայի աթոռը երբեք թափուր չի մնում: Լրագրողների հետ հանդիպմանը, խոսելով Դեդ Հասանի մահվան մասին, ասաց գրող, հետազոտող Սերգեյ Գալոյանը:

Հիշելով անցյալը` Ս.Գալոյանն ասաց, որ 2008-ին, երբ հայտարարվեց, որ Յապոնչիկը մահացել է, առաջին գիծ մեխանիկորեն դուրս եկավ Դեդ Հասանը: Այսօր շրջանառվում է Դեդ Հասանին փոխարինողի 4 անուն, որոնցից մեկն իր ազգական է»,- ասաց նա` հավելելով, որ պետք չէ շտապել և կոնկրետ անուններ ասել, «եկեք չշտապենք, որովհետև սա Աշտարակի գյուղերի ընտրությունը չէ, որ կանխավ իմանանք, թե ով է ընտրվելու»:

Հարցին, թե Հայաստանի վրա ի՞նչ անդրադարձ կարող է ունենալ Դեդ Հասանի սպանությունը, Ս.Գալոյանը հիշեցրեց, որ Դեդ Հասանը լուրջ կապեր ուներ հայերի և Հայաստանի հետ:

«Առաջին անգամ, երբ մահափորձ կատարվեց նրա դեմ, մահացավ իր հայ թիկնապահը, երկորրդ անգամ կրկին վիրավորվեց իր հայ թիկնապահներից մեկը: Հենց նրանց վերահսկողության տակ են գտնվում տնտեսական ոլորտները` բանկեր, շինարարական ոլորտ...: Իրենից հետո, եթե մեկ ուրիշը եկավ, գուցե նույն մոտիկությունը չունենա հայերի հետ: Աստված տա, որ մեզ համար հետևանքները շատ ծանր չլինեն: Բայց ես շատ բաներից եմ վախենում»,- մտահոգություն հայտնեց գրողը:

Видео Դեդ Հասանի մահից հետո գրողը շատ բաներից է վախենում канала Aysor TV