Мамэкотехинспекция! Сөң-Көл Рейд

Сон-Көл көлүнө жасалма жол менен кое берилген 2 жарым миллион малек балыктары браконьерлер тарабынан аесуз кырылууда. Тактап айтканда адистер Сон-Кол балык чарбасы тарабынан майда балыктар жасалма жол менен көбөйтүлүп, багып аны кайра Сон-Көл көлүнө кое беришкен. Адистер тарабынан кое берилген балыктар үч жыл ичинде чоноюп, андан кийин гана икра чача башташат. Бирок бул мөөнөткө жеткирбей эле браконьерлердин кесепетинен балыктардын саны кескин азайып барат. Буга байланыштуу Мамэкотехинспекциянын Кочкор жана Жумгал райондору боюнча регионалдык башкармалыгын инспекторлору, Сон-Көл балык чарбасынын адистери жана Нарын регионундагы укук коргоо кызматкерлери менен биргеликте рейд жүргүзүштү. Текшерүүнүн жүрүшүндө беш даана кайык жана 4 мин метр балык кармоочу торлор колго түшүрүлдү. Ошондой эле рейд учурунда браконьерлер тарабынан инспекторлорго кол салуу аракети болуп, кайыктарды кайра артка кайтарып бергиле деген коркутуу талаптарын коюшкан. Бугунку кундо, инспекторлор тарабынан кайык жана торлор укук коргоо органдарына өткөрүлүп берилип, протоколдор толтурулду. Азыркы тапта балыктардын корун коргоо багытында текшерүү жана түшүндүрүү иштери Мамэкотехинспекция тарабынан өлкө боюнча жүргүзүлүүдө. Андыктан жаратылыштагы жан жаныбарларды жана балыктардын корун сактап калууну бир гана адистер эмес жапа тырмак колго алууну Мамэкотехинспекция эскертет!.

Видео Мамэкотехинспекция! Сөң-Көл Рейд канала Мамэкотех Инспекция