Уацамонгæ - Керчы бæстæ

Ансамбль "Уацамонгæ" в Портале
Уæ, дзæгъæйлаг Керчы бæстæ,
Мæ тæригъæдæй басудзай.
Мæ мад мæм нæхимæ
Æнхъæлмæ кæсы,
Ды та мыл сыджыт ныккалдтай.
Атæх, атæх, ды, зæрватыкк,
Хæхтæн, быдыртæн сæ сæртыл.
Фехъуысын кæн
Мæ мад, мæ фыдæн
Се ’намонд фырты хабæрттæ.
Мауал æм æнхъæлмæ кæсут –
Нал æрыздæхдзæни уæ фырт:
Знаджы тæвд нæмыгæй
Карз тохы фæмард,
Керчы былыл та ныгæд и…

Видео Уацамонгæ - Керчы бæстæ канала Валера Икоев