CDCនិងអេស៊ីលីដាចុះអនុស្សរណៈស្តីពីការប្រើប្រាស់ប្រព័ន្ធទូទាត់ប្រាក់រួម cdc OSP ដើម្បីផ្តល់លទ្ធភាព...

ក្រុមប្រឹក្សាអភិវឌ្ឍន៍កម្ពុជាឬ(ក.អ.ក.) និង ធនាគារ អេស៊ីលីដា ភីអិលស៊ី បានចុះអនុស្សរណៈនៃការយោគយល់គ្នាស្តីពីការប្រើប្រាស់ប្រព័ន្ធទូទាត់ប្រាក់រួម cdc OSPដើម្បីប្រមូលចំណូលសេវាសាធារណៈដោយ ឯកឧត្តម ហ៊ាង សុទ្ធាយុត្តិ អគ្គលេខាធិការរងនៃអគ្គលេខាធិការដ្ឋាន( ក.អ.ក. )ជាមួយ លោកបណ្ឌិត អ៊ិន ចាន់នី ប្រធាននាយកប្រតិបត្តិធនាគារអេស៊ីលីដា ភីអិលស៊ី កាលពីព្រឹកថ្ងៃទី២០ឧសភានេះនៅនៅវិមានរដ្ឋាភិបាលទីស្តីការ(ក.អ.ក.)ក្រោមអធិបតីភាពឯកឧត្តម គង់ វិមាន អគ្គលេខាធិការនៃអគ្គលេខាធិការដ្ឋាន ក.អ.ក. ។ អនុស្សរណៈនៃការយោគយល់គ្នានេះធ្វើឡើងក្នុងគោលបំណងដើម្បីពង្រឹងកិច្ចសហប្រតិបត្តិការប្រមូលចំណូលសេវាសាធារណៈ តាមរយៈការ តភ្ជាប់ប្រព័ន្ធរបស់ធនាគារ អេស៊ីលីដាជាមួយប្រព័ន្ធទូទាត់ប្រាក់រួម cdc OSPរបស់ ក្រុមប្រឹក្សាអភិវឌ្ឍន៍កម្ពុជាដែលបានដាក់ឱ្យដំណើរការចាប់តាំងពីថ្ងៃទី៣១ខែកក្កដាឆ្នាំ២០២៤។ កិច្ចសហប្រតិបត្តិការនេះ ស្តែងឱ្យឃើញពីការគាំទ្រដល់ការអភិវឌ្ឍសេដ្ឋកិច្ចជាតិ និង ឆ្លុះបញ្ចាំងពីការប្តេជ្ញាចិត្តរួមគ្នាក្នុងការបន្តពង្រឹងអភិបាលកិច្ច បង្កើនល្បឿននៃការធ្វើឌីជីថលូបនីយកម្ម លើកកម្ពស់បរិយាកាសវិនិយោគនៅកម្ពុជា ព្រមទាំងផ្តល់ជម្រើសដ៏សំបូរបែបដល់អ្នកស្នើសុំសេវាសាធារណៈរបស់ ក្រុមប្រឹក្សាអភិវឌ្ឍន៍កម្ពុជា ក្នុងការទូទាត់ប្រាក់កម្រៃសេវា។ ក្នុងឳកាសនោះលោកបណ្ឌិត អ៊ិន ចាន់នីប្រធាននាយកប្រតិបត្តិធនាគារអេស៊ីលីដា ភីអិលស៊ី លើកឡើងថា រាជរដ្ឋាភិបាលបានផ្ដល់សេក្ដីទុកចិត្តជ្រើសរើសធនាគារ អេស៊ីលីដាភីអិលស៊ី ជាធនាគារសម្រាប់ប្រើប្រាស់ប្រព័ន្ធទូទាត់ប្រាក់រួម cdc OSP ដើម្បីផ្ដល់នូវមធ្យោបាយដល់វិនិយោគគិនអាចធ្វើការបង់កម្រៃសាធារណៈ KHQR គណនី អេស៊ីលីដា និង International Card បានកាន់តែងាយស្រួលនិងមានប្រសិទ្ធភាព ។ ……
(ប្រសាសន៍ លោកបណ្ឌិត អ៊ិន ចាន់នី )……
ក្នុងរយៈពេល ៩ខែ គិតចាប់ពីខែសីហា ឆ្នាំ២០២៤ ដល់ខែមេសា ឆ្នាំ២០២៥ កិច្ចសហប្រតិបត្តិការតាមប្រព័ន្ធបច្ចេកវិទ្យាឌីជីថលមួយនេះ បានចូលរួមប្រមូលចំណូលប្រមាណ ៥,៧ពាន់លានរៀល ស្មើនឹងប្រមាណជា៣៥%នៃចំណូលពីសេវាសាធារណៈរបស់ ក្រុមប្រឹក្សាអភិវឌ្ឍន៍កម្ពុជា។ជុំវិញការចុះអនុស្សរណៈ
នេះ ឯកឧត្តម គង់ វិមាន គូសបញ្ជាក់ថានេះជាសមិទ្ធផលថ្មីមួយទៀតរបស់ក្រុមប្រឹក្សាអភិវឌ្ឍន៍កម្ពុជាក៏ដូចរាជរដ្ឋាភិបាល។ឯកឧត្តមសង្ឃឹមថាសមិទ្ធផលថ្មីនេះនឹងទទួលបាននូវផ្លែផ្កាខ្ពស់ថែមទៀត។
……(ប្រសាសន៍ ឯកឧត្តម គង់ វិមាន)……
សូមជម្រាបជូនថា ប្រព័ន្ធទូទាត់ប្រាក់រួម cdc OSP គឺជាផ្នែកមួយនៃគំនិតផ្តួចផ្តើមថ្នាលទិន្នន័យ វិនិយោគកម្ពុជា cdc IPM Hub។ ប្រព័ន្ធ cdc OSP នេះត្រូវបានរៀបចំឡើងដើម្បីចូលរួមប្រមូលចំណូលសេវាសាធារណៈរបស់ ក.អ.ក. ដែលផ្តល់លទ្ធភាពឱ្យ ប្រព័ន្ធគ្រប់គ្រងគម្រោងវិនិយោគកម្ពុជា cdc IPM និងប្រព័ន្ធផ្តល់សេវាសាធារណៈផ្សេងៗទៀតរបស់ ក្រុមប្រឹក្សាអភិវឌ្ឍន៍កម្ពុជាធ្វើការទូទាត់ប្រាក់ក្នុងនិងឆ្លងធនាគារតាមរយៈ Bakong KHQR របស់ធនាគារជាតិនៃកម្ពុជា និងតាមរយៈកម្មវិធីធនាគារចល័ត Mobile Banking ព្រមទាំងផ្តល់លទ្ធភាពធ្វើការទូទាត់ប្រាក់តាមប្រព័ន្ធអន្តរជាតិដូចជា VISA និង Master Card ផងដែរ៕

Видео CDCនិងអេស៊ីលីដាចុះអនុស្សរណៈស្តីពីការប្រើប្រាស់ប្រព័ន្ធទូទាត់ប្រាក់រួម cdc OSP ដើម្បីផ្តល់លទ្ធភាព... канала tv5 SH