Ауылда қаңғыбас иттер қаптап, халық балаларын мектепке жіберуден қалды

Ақтөбе маңындағы Қызылжар ауылының тұрғындары көшеге шығудан қорқып отыр. Өйткені, ауылда қаңғыбас иттер қаптап, халық балаларын мектепке жалғыз жіберуден қалған. Көшедегі көп төбеттен құтылудың жолын таппаған халық, мәселені шешуді сұрап әкімдіктегілерді бірнеше рет шақыртыпты. Алайда жауаптылар қаңғыған иттерді жаппай қырып тастауға құқымыз жоқ. Тек тұрғындардың жазбаша жазған шағымдарына байланысты ғана шара қабылдай аламыз деп отыр.
Жиналғандар айдың күннің аманында ауылдарында еркін жүріп тұрудан қалғандарын айтады. Тіпті балаларын күндіз не мектепке, не ойнауға жібермейтін болған. Өйткені, көшеде қаптаған қаңғыбас иттер адамдарды қауып, халықтың зәресін алады дейді.
СЕРІК ОТАРБАЕВ, тұрғын:
– Жасыратыны жоқ, осы жерде 15-20 ит жүреді. Кілең қаңғыбас. Бұрын ататын еді. Қазір қойды ғой. Невозможно жүруге. Келіндерімнің өзі қорқады шығуға. Балаларымды мектепке өзім алып келемін. Немеремді садикке апарамын сосын. Ит деген невозможно.
ШАЙЗАДА НҰРБОЛАТОВА, тұрғын:
– Нән, нән иттер. Алабай ма, немістің овчаркасы ма, кілең сондай иттер. Қорқынышты. Бір күні бір баланы талай жаздады. Мен өз көзіммен көрдім. Балаларға өзіміз еріп барамыз. Қолымызға таяғымызды ұстаймыз. Мына иттер келіп жатса ең болмағанда ұрып жіберсем де не істеймін, қалай қорғанамын басқа.
Алайда жауапты мамандар асырап отырған иттеріне өздері ие болмайды деп кінәні ауыл тұрғындарына артады. Айтуларынша, тұрғындар қайда барса да төбеттерін соңдарына ілестіріп жүреді. Сосын олар қаңғыбас иттердің қатарына қосылып, ашқұрсақ жануардың санын арттырады дейді. Дегенмен, қызылжарлықтар байбалам салғаннан кейін ауылдан жеті ит аулапты.
АЛПАМЫС ТҰРЫМ, Ақтөбе қаласы ветеринарлық стансаның директоры:
– Иттер мектептің алдында көп болады дейді. Негізі ережені бұзатын өзіміз ғой. Итті асырамайтын адам жоқ. Балалар оқуға шыққанда ит еріп келеді негізі. Мысалға ана мектепте алты жүз бала оқыса отыз ит болса, отыз ит ана жерді жайлап кетеді ғой. Сосын мектеп директорлары хабарласады. Сосын біз барамыз.
Ал әкімдіктегілер қазір ит аулау мәселесі бойынша жұмыстар жүргізіп жатқандарын айтады. Алайда дәл қазір Ақтөбеде қаңғыған төбеттерге арналған арнайы орын жоқ. Айта кетсек, қалада қаңғыған иттерді аулауға бюджеттен жылына жиырма миллионнан аса қаржы бөлінеді.

.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар #Ақиқатын_Айтайық

Видео Ауылда қаңғыбас иттер қаптап, халық балаларын мектепке жіберуден қалды канала Информбюро 31