പഞ്ചാരിമേളം-Special Panchari melam-Pramanam -12 Year Old Vishwaraj Vinayakumar,-വിശ്വരാജ് വിനയകുമാർ

Courtesy:
GRAMYA TV
Perinjanam Sree Palliyil Bhagavathi Temple
Melakalarathnam Sree Kalamandalam Sivadas
All participated artists

പഞ്ചാരിമേളപ്രമാണിയായി 12 വയസ്സുകാരൻ:

തൃശൂർ ജില്ലയിലെ പെരിഞ്ഞനം ഗ്രാമത്തില്‍ സ്ഥിതിചെയ്യുന്ന പ്രശസ്തവും അതിപുരാതനവുമായ ശ്രീ പള്ളിയിൽ ഭഗവതിക്ഷേത്രത്തിലെ ഈ വര്‍ഷത്തെ അഷ്ടമിരോഹിണിയാഘോഷങ്ങളിൽ അൻപതിലേറെ കലാകാരന്മാർ പങ്കെടുത്ത രണ്ട് പഞ്ചാരിമേളങ്ങൾ രാവിലെയും രാത്രിയിലുമായി അവതരിപ്പിക്കപ്പെട്ടു.

9 വയസ്സുള്ള അഭിനവ് കൃഷ്ണമുതൽ 58 വയസ്സുള്ള ശ്രീ അവിട്ടത്തൂർ മദനൻവരെ പങ്കെടുത്ത രണ്ടു മണിക്കൂർ വീതമുള്ള പഞ്ചാരിമേളങ്ങൾക്ക് പ്രാമാണികത്വം വഹിച്ചത് ഒരു 12 വയസ്സുകാരനാണെന്നത് മേള ചരിത്രത്തിലെ അത്യപൂർവമായ ഒരു സവിശേഷതയാണ്.

പെരിഞ്ഞനം സ്വദേശിയും ചെന്ത്രാപ്പിന്നി എസ്സ്. എൻ. വിദ്യാഭവൻ സ്കൂളിലെ എട്ടാം തരം വിദ്യാർഥിയുമായ വിശ്വരാജ് വിനയകുമാറിനാണ് പന്ത്രണ്ടാം വയസ്സിൽ ക്ഷേത്രച്ചടങ്ങുകളുടെഭാഗമായി പതികാലമടക്കമുള്ള പഞ്ചാരിമേളങ്ങളുടെ പ്രമാണിയാകുവാനുള്ള അസുലഭസൗഭാഗ്യം കൈവന്നത്.

13 ഇടന്തലക്കാരും ഏതാനും വലന്തലക്കാരും സ്കൂൾ വിദ്യാർഥികളാണെന്നതും ഈ മേളങ്ങളുടെ മറ്റൊരു പ്രതേകതയാണ്. അഖിലാ അനിൽകുമാർ, വേദ വിനയകുമാർ എന്നീ പെൺകുട്ടികളുടെ സാന്നിധ്യവും മേളത്തിന് കൗതുകവും ചാരുതയുമേകി.

മേളരാജാവ് എന്നറിയപ്പെടുന്ന പഞ്ചാരിയുടെ 96 അക്ഷരകാലത്തിലുള്ള ഒന്നാംകാലം മുതൽ 6 അക്ഷരകാലത്തിലുള്ള അഞ്ചാംകാലംവരെ 5 കാലങ്ങൾ പൂർണമായി വളരെ ചിട്ടയോടും ആസ്വാദ്യകരമായും അവതരിപ്പിച്ച കുട്ടികൾ മേളപ്രേമികൾക്ക് നവ്യാനുഭവമാണ് സമ്മാനിച്ചത്.

മേളകലാരത്നം ശ്രീ കലാമണ്ഡലം ശിവദാസിന്റെ ശിക്ഷണത്തിൽ പഞ്ചാരിമേളവും പാണ്ടിമേളവും അഭ്യസിച്ചവരാണ് കുട്ടികളെല്ലാം.

Special Panchari melams led by 12 Year Old Vishwaraj Vinayakumar, Perinjanam

Видео പഞ്ചാരിമേളം-Special Panchari melam-Pramanam -12 Year Old Vishwaraj Vinayakumar,-വിശ്വരാജ് വിനയകുമാർ канала Vishwaraj Vinayakumar