"ELDAR HƏSƏNOV SƏFİR GÖNDƏRİLMƏSƏYDİ CAVİD QURBANOVU HƏBS EDƏCƏKDİ"

Azərbaycanın Serbiya,Monteneqro və Bosniya və Hersoqavinadakı səfiri Eldar Həsənovun həbsi ölkə gündəminin əsas mövzusu oldu.Eldar Həsənovun həbsi cəmiyyətdə birmənalı qarşılanmadı.Bu həbsi dəstəkləyənlər və böyük səhv sayanlar da oldu.Bumerang Medianın efirində Elçin Rəhimzadənin qonağı olan Azərbaycan Dövlət Televiziyasının sabiq diktoru ,Süleyman Dəmirelin mənəvi qızı Xalidə Əhmədova(Xalidə Gözəl)bu məsələyə münasibət bildirərək Eldar Həsənova dəstək verib və əlavə edib ki,Eldar Həsənov səfir göndərilməsəydi Azərbaycan Dəmir Yollarının rəhbəri Cavid Qurbanovu həbs edəcəkdi.Çünki iclasların birində mərhum prezident Heydər Əliyev o zaman baş prokuror işləyən Eldar Həsənovu ayağa qaldıraraq belə bir sual verib:"Sən görürsən ki,bu Cavid Qurbanov dövlət əmlakını talayır,bu "juliki"niyə tutmursan?"Eldar Həsənov cavabında deyib ki:"Cənab prezident siz olan yerdə mən kiməm ki?!"Daha sonra Eldar Həsənov səfir kimi xaricə sürgün edilib.Mübariz Mənsimovun həbsxanada qalması məsələsinə toxunan Xalidə Əhmədova Türkiyə məhkəməsinin ədalətinə inandığını və sentyabrda olacaq məhkəmədən sonra Mübariz Mənsimovun azadlığa buraxılacağına əmin olduğunu bildirib.

Видео "ELDAR HƏSƏNOV SƏFİR GÖNDƏRİLMƏSƏYDİ CAVİD QURBANOVU HƏBS EDƏCƏKDİ" канала Bumerang Media