Paltarın uzun və qısa olması | Riyadus Salihin #538 | SUAL-CAVAB | Adil Rəcəbov

Riyad əs-Salihin (Salehlər bağçası) | 118-ci Fəsil | PALTARLARIN UZUN VƏ QISA OLMASI bölümü | Hədislər: 790-795 | Sual-Cavab 00:27:05

KÖYNƏYİN QOLUNUN, PALTAR VƏ ƏMMAMƏNİN UZUNLUĞU, BUNLARDAN HƏR HANSI BİRİNİN TƏKƏBBÜR VƏ LOVĞALIQ MƏQSƏDİ İLƏ UZADILMASININ HARAM OLMASI, BELƏ BİR MƏQSƏD OLMADAN UZATMAĞIN MƏKRUHLUĞU

Əsma bin Yezid əl-Ənsariyyə radiyallahu anhə belə dedi:
Rəsulullah səllallahu əleyhi və səlləmin köynəyinin qolu biləyinə qədər idi.
(Əbu Davud, Libas 3; Tirmizi, Libas 27)

İbn Ömər radiyallahu anhumədən rəvayət edildiyinə görə Rəsulullah səllallahu əleyhi və səlləm belə buyurdu:
“Allah-Təala qiyamət günü lovğalanaraq təkəbbürlə paltarının ətəyini yerlə sürüyən adamın üzünə baxmaz”. Bu zaman Əbu Bəkr:
- Ya Rəsulallah, diqqət etmədiyim zaman mənim də paltarımın ətəyi yerlə sürünür,- dedi. Rəsulullah səllallahu əleyhi və səlləm buyurdu:
- “Şübhəsiz ki, sən bunu lovğalanmaq üçün etmirsən”.
(Buxari, Libas 2, Fəzailus-səhabə 5; Müslim, Libas 43-44. Həmçinin bax. Əbu Davud, Libas 25)

Əbu Hüreyrə radiyallahu anhdan rəvayət edildiyinə görə Rəsulullah səllallahu əleyhi və səlləm belə buyurdu:
“Allah qiyamət günü lovğalanaraq paltarının ətəyini yerlə sürüyən adamın üzünə baxmaz”.
Buxari, Libas 1, 5; Müslim, Libas 43 (Həmçinin bax 617 nömrəli hədisin qaynaqları)

Əbu Hüreyrə radiyallahu anhdan rəvayət edildiyinə görə Nəbi səllallahu əleyhi və səlləm belə buyurdu:
“Paltarın topuqdan aşağı olan hissəsi cəhənnəmdədir”.
(Buxari, Libas 4. Həmçinin bax. Əbu Davud, Libas 27)

Əbu Zərr radiyallahu anhdan rəvayət edildiyinə görə Nəbi səllallahu əleyhi və səlləm belə buyurdu:
“Üç qrup insan vardır ki, Allah-Təala qiyamət günü onlarla danışmaz, üzlərinə baxmaz və onları təmizə çıxarmaz. Onlar üçün yandırıcı əzab vardır”.
Hədisin ravisi deyir ki;
Rəsulullah səllallahu əleyhi və səlləm bu sözü üç dəfə təkrarladı. Bu zaman Əbu Zərr:
- Ziyana düçar oldular və zərər etdilər, onlar kimlərdir, ya Rəsulallah? - dedi. Rəsuli-Əkrəm belə buyurdu:
“Paltarının ətəyini yerlə sürüyən, etdiyi yaxşılığı başa qaxan və ticarət malını yalandan and içərək satmağa çalışan adam”.
Müslimin başqa bir rəvayətində “izarını sürüyən” deyilir. (Eyni nömrəli hədisin eyni yerdəki başqa təriqidir) Müslim, İman 171. Həmçinin bax. Əbu Davud, Libas 25; Nəsai, Büyu 5

İbn Ömər radiyallahu anhumədən rəvayət edildiyinə görə Nəbi səllallahu əleyhi və səlləm belə buyurdu:
“Uzadıla biləcək paltarlar izar, köynək və əmmamədir. Hər kim bunlardan birini lovğalanmaq üçün uzadarsa, Allah-Təala qiyamət günü onun üzünə baxmaz”.
(Əbu Davud, Libas 27; Nəsai, Zinət 104. Həmçinin bax. İbn Macə, Libas 9)
Sosial şəbəkələrdə bizi izləməyi unutmayın:

Saytımız: https://ixlasla.com
Youtube: https://youtube.com/ixlasla
Instagram: https://instagram.com/ixlaslacom
Telegram: https://telegram.me/ixlasla
Twitter: https://twitter.com/ixlaslacom
Facebook: https://facebook.com/ixlasla
Facebook: https://facebook.com/ixlaslacom

#AdilRəcəbov #SalehlərBağçası #ilahiyyatçıAdilRəcəbov

Видео Paltarın uzun və qısa olması | Riyadus Salihin #538 | SUAL-CAVAB | Adil Rəcəbov канала ixlasla.com