Елімізде үй бағасы қазірден бастап қымбаттап жатыр

Елімізде үй бағасы қазірден бастап қымбаттап жатыр. АҚШ валютасының небәрі бір апта ішінде 70 теңгеге өсуі Қазақстандағы баспана бағасына тікелей әсер етті. Мәселен, жаңа үйлердің құны кешелі бері 5-7 пайызға өссе, ескі үйлердің кейбір қожайындары әліптің артын бағуды жөн көрген. Сондай-ақ, әзірге бірқатар құрылыс компаниялары да пәтер саудасын тоқтатып отыр.
Теңгенің құнсыздануынан тұрғын үй бағасы қымбаттады. Мәселен, былтыр 10-11 миллион теңге тұрған 1 бөлмелі пәтердің бағасы қазір 15 миллионға дейін көтерілген. Бұл қоғамның алаңдаушылығын тудырды. Соның ішінде әне-міне баспаналы боламын деп жүргендер енді үй бағасына қарайлап әлек.
Екінші нарықтағы үйлер сатылымнан бірте-бірте алынып жатыр. Меншік иелері доллар бағамын бақылауға алған. Көбі жаңа бағамен сатылымға қайта шығаруды көздейді. Ал Құрылысшылар одағының төрағасы жаңадан салынған және әлі салынып бітпеген үйлер 25-30 пайызға дейін қымбаттайды дейді. Себебі құрылысшылар материалдарының басым бөлігін шетелден әкеледі. Айтуынша олардың құны доллардың бағамына тәуелді.
ТАЛҒАТ ЕРҒАЛИЕВ, Қазақстан Құрылысшылар одағының төрағасы:
– Шетелден әкелінетін материалдардың құны қымбат болады. Тиісінше, кез келген құрылыста 60-55 пайыз құрылыс материалдары алады. Сайып келгенде, олар шаршы метрдің құнына әсер етеді.
Теңгенің құнсыздануынан Ұлттық банк базалық мөлшерлемені 3 жарым пайызға көтерген еді. Енді тұрғын үйді несиеге рәсімдегенде қарыздың пайыздық мөлшерлемесі артады. Тиісінше, пәтер сатып алуға мүмкіндігі бар адамдар азайды. Жылжымайтын мүлік агенттігінің басшысы, ипотеканың қымбаттауы - оған деген сұранысты төмендетеді дейді.
ҒАЛЫМ ЫСҚАҚОВ, жылжымайтын мүлік агенттігінің басшысы:
– Курс доллары өзінің орнына түсіп, тоқтайды ғой енді. Содан кейін бағалар төмендейді. Неге? Ипотека қымбат болған соң, адамдар уже ипотека алмайды. Сұраныс азаяды. Сұраныс азайса, уже бағасы түседі.
Осы орайда мамандар жеңілдігі бар ипотекалық бағдарламаларды жіберіп алмау керек дейді.
.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#алматы #казахстан #Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар

Видео Елімізде үй бағасы қазірден бастап қымбаттап жатыр канала Информбюро 31