Құрбақаның қиссасы

Бірде Сүлеймен пайғамбар аң-құстарды шақырып, той жасайды. Бүкіл аң-құс, жан-жануар, жәндік атаулы түгел жиналады. Бұл тойға тек құрбақа келе алмайды. Өйткені оның киер киімі болмапты. Содан патшаның әмірі екі болмасын деп, тойдан қалғысы келмейді. Ақырында оған бір айла табады. Жерде шашылып жатқан жапырақтарды теріп жинап алып, оны құрақ қылып киіп алады. Құрбақа тойдың соңына таман келгенмен, оған бірден Сүлейменнің назары түседі. Айла-амалына разы болып: «Тәңірім, иініңе ілген жапырақты киімің етіп берсін. Ешқашан үстіңнен түспесін» деп дұға қылады. Сөйтіп, жалаңаш бақаның тәнін жасыл жапырақ көмкеріп, терісімен бірдей болып қалыпты. Құрбақаның жапырақ түстес реңі осыдан келіп шыққан екен.

Видео Құрбақаның қиссасы канала Otbasy Hrestomatiasy