5.2 Гісторыя Беларусі ў кантэксце цывілізацыйнага выбару (07. 05.2015)

Алесь Краўцэвіч

Нашая краіна на працягу паўтары тысячы гадоў сваёй гісторыі неаднаразова змяняла цывілізацыйную арыентацыю (канец 10 ст.; 14 ст.; канец 18 ст.; 1991 г.; 1994 г.). Адсюль усю яе гісторыю можна разглядаць у кантэксце цывілізацыйнага выбару. Але ці быў у кожнай гэтай сітуацыі выбар, ці была свабода выбара? Ці, можа, магчымасць пайсці іншым шляхам - толькі наша мроя і фантазія? Ці сапраўды гэта быў выбар паміж рознымі цывілізацыямі? Цягам курса мы будзем абмяркоўваць, што адбывалася ў гэтыя моманты гістарычных і культурых зрухаў на беларускай зямлі.

Курс будзе складацца з лекцый і міні-семінараў. На кожным занятку мы будзем абмяркоўваць падрыхтаваныя слухачамі кароткія рэфераты (10-15 хв.). Прыблізныя тэмы для заняткаў і міні-рэфератаў:

- Альтэрнатыва праваслаўнаму выбару ў Сярэднявеччы
- Цывілізацыйная пераарыентацыя ў 13 – 14 ст.
- Перыферыя Захаду – набыткі і страты.
- Плюсы і мінусы цывілізацыйнага пагранічча
- Выбар і прымус у канцы 18 ст.
- Цывілізацыйны выбар у мінулым і сёння
- Добрая воля і гвалт у цывілізацыйным выбары беларусаў
- інш.

Видео 5.2 Гісторыя Беларусі ў кантэксце цывілізацыйнага выбару (07. 05.2015) канала Лятучы ўніверсітэт