Касцюшка контра Сувораў / Загадкі беларускай гісторыі

http://belsat.eu/be/programs/zagadki-belaruskaj-gistoryi/kascyushka-kontra-suvora/
Адзін з самых дзіўных і паказальных гістарычных парадоксаў Беларусі – два музеі, размешчаныя недалёка адзін ад аднаго, на адлегласці ўсяго ў некалькі дзесяткаў кіламетраў. Адзін створаны ў гонар вызваліцеля Беларусі, другі – у гонар яе душыцеля. Музей Тадэвуша Касцюшкі ў вёсцы Мерачоўшчына Івацэвічскага раёна і музей Аляксандра Суворава ў горадзе Кобрыне. Тадэвуш Касцюшка ў Мерачоўшчыне нарадзіўся і стаў героем пяці народаў, Аляксандр Сувораў нарадзіўся ў Маскве і быў выключна расейскім героем, а ў Кобрыне правёў менш месяца і пакінуў па сабе нядобрую памяць.
Як і калі ўзніклі гэтыя музеі? Як яны суіснуюць побач, у адной краіне? За якія заслугі на Беларусі ўшанаваныя Касцюшка і Сувораў? Чаму ў беларусіх гарадах і мястэчках вуліцаў імя Суворава непараўнальна больш, чым названых у гонар Касцюшкі? Дзеля пошукаў адказу на гэтыя пытанні адказу выправімся на месца.

Видео Касцюшка контра Сувораў / Загадкі беларускай гісторыі канала БЕЛСАТ NEWS