ლ.ლორთქიფანიძის მიმართვა ბერტა ფონ ზუტნერის პრემიით (2023) დაჯილდოვების ცერემონიის მონაწილეებისადმი

ბერტა ფონ ზუტნერის პრემია 2023

☮️ მიმდინარე წლის 15 ნოემბერს დადიანების სასახლეთა ისტორიულ-არქიტექტურული მუზეუმის ნიკოსეული რეზიდენციის (ქ. ზუგდიდი) საგამოფენო დარბაზმა ბერტა ფონ ზუტნერის მშვიდობის საერთაშორისო პრემიის რიგით მეხუთე დაჯილდოების ცერემონიას უმასპინძლა. საქართველოს სამოქალაქო საზოგადოების წარმომადგენლების გარდა ღონისძებაში მონაწილეობა მიიღეს ავსტრიის რესპუბლიკის 🇦🇹 პარლამენტის ფედერალური საბჭოს პრეზიდენტმა - ქ-ნმა კლაუდია არპამ და მისი დელეგაციის წევრებმა.

🕊 პრემიის გაცემის ინიციატორია "მშვიდობის ინსტიტუტი პროგრესისათვის", რომელიც პროექტს ავსტრიის რესპუბლიკის საელჩოს, ზუგდიდის მერიისა და ფრიდრიხ ებერტის ფონდის მხარდაჭერით ახორციელებს.

🎤 2023 წელს "ბერტა ფონ ზუტნერის მშვიდობის საერთაშორისო პრემიაზე" ნომინირებულნი მხოლოდ ჟურნალისტები გახლდნენ. პრემიაზე 6 კანდიდატი იყო წარდგენილი.

🙋‍♂️ "მშვიდობის ინსტიტუტმა" გამარჯვებულის გამოვლენის მიზნით შექმნილი სპეციალური ჟიურის ერთ-ერთ წევრად მოიწვია "კავკასიური სახლის" თავმჯდომარე, პოლიტოლოგი - ლევან ლორთქიფანიძე, რომელმაც ზუგდიდში შეკრებილ აუდიტორიას მოკლე მიმართვა გაუგზავნა:

💬 "არცერთ ჭკუათმყოფელ, საღად მოაზროვნე ადამიანს არ გაუჩნდება მელნის ლაქის მელნის გამოყენებითვე გაქრობის სურვილი. არცერთი გონიერი ადამიანი არ მოინდომებს ზეთის ლაქის ზეთითვე გაწმენდას. მხოლოდ სისხლის სისხლითვე მორეცხვას ცდილობენ ისევ და ისევ ..." - წერდა ბერტა ფონ ზუტნერი თავის ეპოქალურ რომანში "ძირს იარაღი!". სამწუხაროდ, ერთი საუკუნის შემდეგაც კი დიდი ავსტრიელი მოღვაწის სიტყვები თავის აქტუალობას "ისევ და ისევ" არ კარგავს.
"არცერთ ჭკუათმყოფელ, საღად მოაზროვნე ადამიანს არ გაუჩნდება მელნის ლაქის მელნის გამოყენებითვე გაქრობის სურვილი. არცერთი გონიერი ადამიანი არ მოინდომებს ზეთის ლაქის ზეთითვე გაწმენდას. მხოლოდ სისხლის სისხლითვე მორეცხვას ცდილობენ ისევ და ისევ ..." - წერდა ბერტა ფონ ზუტნერი თავის ეპოქალურ რომანში "ძირს იარაღი!". სამწუხაროდ, ერთი საუკუნის შემდეგაც კი დიდი ავსტრიელი მოღვაწის სიტყვები თავის აქტუალობას "ისევ და ისევ" არ კარგავს.
თანამედროვე ეპოქა კრიზისების ეპოქაა. განსაკუთრებულად მძიმე დრო დგას მშვიდობის მოძრაობისა და პატიოსანი ჟურნალისტიკისთვის.
დღევანდელ სამყაროში მშვიდობაზე, განიარაღებაზე, რაკეტების ნაცვლად დიპლომატიის გამოყენებაზე საუბარი კეთილშობილური იდეების ღალატად ითვლება. წარსულში ყველა დიდი ომის დროს ისმოდა პაციფისტთა ხმა, დღეს კი იმპერიალისტებთან თუ ტერორისტებთან გაიგივების შიშით ყველაზე ანტიმილიტარისტული საზოგადოების წარმომადგენლებსაც კი საგულდაგულოდ აქვთ გადამალული დროშები თეთრი მტრედის გამოსახულებით.
ვის ეკისრება მშვიდობის მოძრაობის დემორალიზებასა და დისკრედიტაციაზე უმთავრესი პასუხისმგებლობა?
21-ე საუკუნის 20-იანი წლებში მშვიდობის შესახებ მსჯელობის შანსს ჩანასახშივე სპობენ პოსტმოდერნული ომის ჯარისკაცებად, პროპაგანდის იარაღად, "რბილ ძალად" ქცეული ჟურნალისტიები, რომლებსაც ადვილად შეუძლიათ ბერტა ფონ ზუტნერის იდეების ერთგულ ქალებსა და კაცებს "ჰამასის" გულშემატკივართა იარლიყი მიაკერონ.
აქედან გამომდინარე, ძალიან მნიშვნელოვანია, რომ წლებია ზუგდიდში, აფხაზეთთან ყველაზე ახლოს მდებარე ქალაქში ხმამაღლა ისმის ავსტრიელი ნობელიანტის სახელი.
დიდი საქმეა, რომ წელს პრემია იმ ჟურნალისტთა ღვაწლის წარმოჩენას ეძღვნება, რომლებიც საყოველთაო წნეხის პირობებში, ომებისა და რადიკალიზაციის ხანაში ერთგულად ემსახურებიან ნდობის აღდგენისა და ხანგრძლივი მშვიდობის დამყარების საქმეს. მათი შრომის აღიარებით პრემიის ორგანიზატორები შეახსენებენ ქართველ და აფხაზ ხალხებს, რომ ჯერ კიდევ არსებობს მედია, რომელიც მილიტარიზმისა და ველური კაპიტალიზმის ნაცვლად საკუთარ ღირებულებებს ემსახურება.
დიდი მადლობა ნდობისთვის.
პატივისცემით, სიყვარულით
ლ.ლ.

🎖 "ბერტა ფონ ზუტნერის მშვიდობის საერთაშორისო პრემია 2023 ჟურნალისტებისთვის“ გამარჯვებული სტუდია "რეს" ხელმძღვანელი მამუკა ყუფარაძე გახდა.

Видео ლ.ლორთქიფანიძის მიმართვა ბერტა ფონ ზუტნერის პრემიით (2023) დაჯილდოვების ცერემონიის მონაწილეებისადმი канала sozialist. ge