НА ШЛЯХУ Ў ОЮМ: ГОТЫ НА ЗЕМЛЯХ БЕЛАРУСІ / Вадзім Белявец / Цэх Жывой Гісторыі

Падтрымаць праект: https://www.donationalerts.com/r/cech_zyvoj_historyi

Цэх Жывой Гісторыі вяртяецца з вакацыяў!

На шляху ў Оюм: готы на землях Беларусі
Навукова-папулярная сустрэча з кандытам гістарычных навук Вадзімам Беляўцом

Готы – старажытнагерманскі племянны саюз, які цягам 700 год здзейсніў грандыёзную вандроўку з паўднёвай Скандынавіі да берагоў Чорнага мора, Італіі і Іспаніі. У эпоху Вялікага перасялення народаў яны спрычыніліся да зруйнавання Рымскай імперыі і заснавалі на яе абломках першыя варварскія каралеўствы. Готы таксама сталі першым з варварскіх народаў Еўропы, які стварыў літаратурную мову і пакінуў нам уласную версію сваёй гісторыі.

Але многія з этапаў іх велічнага шляху ў часе і прасторы застаюцца ўсё яшчэ мала вядомымі. На працягу ўжо амаль ста год яны вывучаюцца археолагамі.

Як дадзеныя археалогіі дапаўняюць і змяняюць нашы ўяўленні аб мінулым гэтага старажытнага народа? Які след пакінулі готы на землях Беларусі?

Пра гэта і пра шмат якія іншыя пытанні археалогіі Беларусі распавядзе выбітны даследчык старажытнасцяў жалезнага веку і эпохі Вялікага перасялення народаў, кандыдат гістарычных навук, дацэнт гістарычнага факультэта Беларускага дзяржаўнага ўніверсітэта Вадзім Белявец.

Видео НА ШЛЯХУ Ў ОЮМ: ГОТЫ НА ЗЕМЛЯХ БЕЛАРУСІ / Вадзім Белявец / Цэх Жывой Гісторыі канала Наш Дзень