Erməni hərbi qüvvələri Qarabağdan çıxarılır! - Elşad Musayev "Canlı"da

Ölkədə islahatların dərinləşməsinə mane olan qüvvələr qalıb(mı)? Ölkədə hərtərəfli islahatlar müharibəyə baxmayaraq da dayanmadı, xüsusilə korrupsiyaya ilə mübarizə, məhkəmə islahatları və siyasi partiylarla əməkdaşlığın yeni mərhələsi davam etdi. Müharibədən sonra yaranmış yeni reallıqlar bu islahatların daha da dərinləşməsini zəruri edirdi. YAP-ın qurultayından sonra bu yeniləşmə hakim partiyanı da əhatə etdi, köhnə partnomenklatura ilə vidalaşdılar. Seçki məcəlləsinin yenilənməsi, proporsional seçki sisteminin mümkün bərpasını gündəmə gətirdi. Amma son olaraq, məsələn, YAP-ın siyahısından 70 yaşlı M.Pənahovun MSK-da yenidən sədr olması seçki islahatları ilə bağlı müxalifətin suallarını artırıb. Biz o suallardan danışacağıq.

Ermənistana bağlı hərbi qüvvələr Qarabağdan çıxarılır. Son iki sutka ərzində sosial şəbəkələrdə azərbaycanlı hərbçilərin çəkdikiləri videogörüntülər yayılıb. Kadrlarda Xandəndidən çıxarılan erməni ordusunun kolonu görünür. Ağır texnika kolonu Laçına tərəf hərəkət edir. Digər kadrlarda KAMAZ kolonu görünür, bunlardan adətən canlı qüvvənin daşınmasında istifadə olunur. Hərbçilərin şərhlərinə görə, Ermənistan Silahlı Qüvvələri Qarabağdan çıxarılır, amma rəsmi olaraq bu barədə heç nə deyilmir. Azərbaycanlı hərbçilərin çəkdikləri digər kadrlarda Azərbaycan Silahlı Qüvvələrinin Əsgəran rayonunda Qarov kəndi ilə üzbəüz mövqeləri göstərilib. Həmin yüksəkliklərdən erməni tərəfinin mövqeləri aydın görünür, Xankəndi və Əsgəranın ətrafını da görmək olur. 10 noyabr 2020-ci il tarixli üçtərəfli bəyanata əsasən erməni silahlı qüvvələri Qarabağdan çıxarılmalıdır (4-cü bənd), lakin erməni tərəfi bu bəndin yerinə yetirilməsini hər vəchlə yubadır. Son günlər Rusiya və Ermənistanın hərbi rəhbərliyi arasında da danışıqların intensivləşməsi nəzərə çarpır. Baş Qərargah rəisi Moskvada olub, Şoyqu ilə görüşüb. Rusiya XİN rəhbəri Seygey Şoyqunun isə həm İrəvana, həm də Bakıya səfəri hazırlanır. Belə görünür ki, imzalanmış sənədlərin əsas qarant ölkəsi olan Rusiya Bakıya səfər öncəsi bu cür suallarla rastlaşmamaq üçün Ermənistan ordusunun Qarabağdan çıxarılması haqda bəndin icrasını sürətləndirib. Bu, həm də Şuşaya atılmış “İsgəndər”lə bağlı problemi arxa plana, “unudulacağına” rəvac verə bilər. Ümumi prosesdə isə əsas qazanc əlbəttə ki, Azərbaycana məxsusdur ki, qanunsuz ordunun Qarabağdan çıxarılması burada separatçılıq meyllərini azaldacaq. Ola bilsin ki, Ermənistan ordusunun Qarabağda bundan sonra qalması həm də Rusiya sülhməramlıları üçün də təhlükəyə çevrilə biləcəyi üçün Moskva prosesi tezləşdirmək qərarı verib. Çünki əlində silah olan erməniyə ümimiyyətlə güvənmək olmaz.

Qarabağda üç hava limanı-ermənilər nədən qorxuya düşüb? Ötən həftə Azərbaycan Prezidenti İlham Əliyevin sentyabrda hazır olacağı gözlənilən Füzulindən sonra, Zəngilanda da aeroport tikintisinin əsasını qoyması, Laçında da hava limanı tikiləcəyi ilə bağlı anonsu ermənilərin yuxusunu qaçırıb. “Dqr”adlı gorbagor olmuş qurumun “xarici işlər naziri” Armen Babayan Laçında da aeroport tikiləcəyi ilə bağlı bəyanatı da nəzərə alaraq, “kiçik bir ərazidə üç aeroportun” salınması qərarını öz ağlına uyğun izah etməyə çalışıb. Deyib ki, “iqtisadi və nəqliyyat baxımından 50-70 kilometr məsafədə üç aeroport tikilməsinin mənası yoxdur”. Babayan şübhələnib ki, bu aroportlardan biri mülkü olacaq, digər iki aroport isə hərbi məqsədlər üçün istifadə edilə bilər. Hətta onu da deyib ki, “birində helikopterlər yerləşdiriləcək, digəri isə hərbi təyinatlı dronlar üçün olacaq”. Azərbaycan üçün bu hava limanların əhəmiyyəti və ermənbilərin qorxuya düşməsi. Hərbi aerodrom kimi istifadəsi barədə iddialar nədən xəbər verir?

Видео Erməni hərbi qüvvələri Qarabağdan çıxarılır! - Elşad Musayev "Canlı"da канала TV Musavat