ԲԱՌԵՐԷՆ․ Անահիտ Հայրապետյան. ԱՅԴՊԵՍ ԵՂԵԼ Է, ԱՅԴՊԵՍ ԼԻՆԵԼՈՒ Է...

#Բառերէն #Անահիտ_Հայրապետյան #Կինոպոեզիա
դու
քնիցդ կարթնանաս
ինձ կփնտրես
բարձիդ տակ
վերմակիդ տակ
դոշակիդ տակ
տունդ տակնուվրա
կանես
կփնտրես
կփնտրես
չես գտնի

մեռնելու ես ինձ համար
ձայն ես տալու
ձայն
հեյ ասող չի լինելու

գալու է այդ օրը գալու է
ուզես չուզես գալու է
ավելի արագ է գալու քան
դու պատկերացնում ես
ավելի պինդ է
ցավ տալու
քան դու ես ուզում

արթնանալու ես
ամեն առավոտ
բարձիդ տակ
վերմակիդ տակ
դոշակիդ տակ
ինձ ես փնտրելու
չես գտնելու
աչքերդ պինդ փակելու ես
որ երազիդ
ինձ տեսնես
չես տեսնելու
այդպես եղել է ու կլինի
ես որ գնացի գնացի
ես գնացող ետ
եկողնեդից չեմ
ես որ գնացի գնացի

փնտրելու ես
վերմակիդ տակ
դոշակիդ տակ
բարձիդ տակ

չմոռանաս
սրտիդ մեջ էլ նայես
մեր էշի աչքերի
մեջ էլ նայես
մեր կոտրած ամբարի
հետևում նայես
գոմի մութ
կողմերում նայես

ես որ գնացի գնացի
ես գնացող հետ
եկողներից չեմ

Կարդաց՝
Նարինե Գրիգորյանը
Դերերում՝
Նարինե Գրիգորյան
Նարեկ Բաղդասարյան
Թաթոս Հակոբյան
Շամուտ գյուղի բնակիչներ
Բաժանորդագրվեք մեզ՝ https://bit.ly/3bkDOMt

Видео ԲԱՌԵՐԷՆ․ Անահիտ Հայրապետյան. ԱՅԴՊԵՍ ԵՂԵԼ Է, ԱՅԴՊԵՍ ԼԻՆԵԼՈՒ Է... канала 5 TV Channel