DIST P.M.K.EX PRESIDENT Mr.P.MUNIRAJ APPOINTED AS STATE PROPERTY PROTECTION COMMITTEE PRESIDENT.

பாமகவின் மாநில சொத்து பாதுகாப்பு குழு தலைவராக ஓசூரை சேர்ந்த முனிராஜ் நியமனம் செய்து கட்சியின் நிறுவனர் டாக்டர் ராமதாஸ் அறிவிப்பு. சொந்த ஊர் திரும்பிய முனிராஜுக்கு ஆதரவாளர்கள் உற்சாக வரவேற்பு

பாட்டாளி மக்கள் கட்சியின் நிறுவனர் மருத்துவர் ராமதாஸ் கட்சியின் மாநில சொத்து பாதுகாப்பு குழு தலைவராக ஓசூரை சேர்ந்த ப முனிராஜ் நியமனம் செய்யப்பட்டுள்ளதாக அறிக்கை வெளியிட்டுள்ளார்.

இந்த நிலையில், விழுப்புரம் மாவட்டம் தைலாபுரம் தோட்டத்திலிருந்து பாமகவின் மாநில சொத்து பாதுகாப்பு குழு தலைவராக பதவியேற்ற பின் முதல்முறையாக தனது சொந்த ஊரான ஓசூர், திரும்பிய முனிராஜுக்கு அவரது ஆதரவாளர்கள் சார்பில் பிரம்மாண்ட மாலைகள் மற்றும் தலைப்பாகை அணிவித்து, வாத்தியங்கள் முழங்க, பட்டாசுகள் வெடித்து, வான வேடிக்கைகளுடன் உற்சாக வரவேற்பு அளித்தனர்.

தனது திறந்த வெளி காரில் ஊர்வலமாக அரச நெட்டி பகுதிக்கு வந்த முனிராஜுக்கு ஜேசிபி வாகனம் வாயிலாக சுமார் ஒரு டன் மலர்களை கொண்டு அவர் மீது தூவி அப்பகுதி மக்கள் பிரம்மாண்ட சிறப்பு வரவேற்பு அளித்தனர்.

மேலும் அவர் வசிக்கும் பாரதி நகர் பகுதி மக்கள் சார்பில் வழி நெடுங்கிலும் மக்கள் மாலைகள் அணிவித்தும் பெண்கள் ஆரத்தி எடுத்தும் கோலாகலமாக மகிழ்ச்சியை வெளிப்படுத்தி ஆரவாரத்துடன் வரவேற்றனர்.

இது தொடர்பாக செய்தியாளர்களிடம் பேசிய முனிராஜ்,
என்னை அழைத்து மருத்துவர் ராமதாஸ் கட்சியின் மாநில சொத்துப் பாதுகாப்பு குழு தலைவராக நியமிப்பதாக தெரிவித்ததற்கு என்றென்றும் அவருக்கு உண்மையுடனும் விசுவாசமுடன் பணியாற்றுவேன். கிருஷ்ணகிரி மேற்கு மாவட்ட மற்றும் ஓசூர் மாநகர பாமக சார்பில் மருத்துவர் ராமதாஸுக்கு நன்றிகளைத் தெரிவிப்பதாக அவர் கூறினார்.

Видео DIST P.M.K.EX PRESIDENT Mr.P.MUNIRAJ APPOINTED AS STATE PROPERTY PROTECTION COMMITTEE PRESIDENT. канала GARUDA TV HOSUR