Информац-технологитæ æмæ бастдзинады управ æрныхас кодтой бастдзинады инфраструктурæйы æдасдзинадыл

Интернеты ногæй парахат кæнынц мæнг ныхæстæ, ома, республикæйы кæй пайда кæнынц 5G-бастдзинадæй. Арæх фехъусæн ис, мобилон операторты цæджындзтæ кæй сты коронавирусы инфекци парахатгæнæг. Уыдæттæ раст не сты, фæлæ адæмæй бирæты ахæм мæнг хъусынгæнинæгтæ тас бауадзынц. Уый фæдыл нæ республикæйы информацион технологитæ æмæ бастдзинады управленийы разамонæг Сæлбиты Алан бæлвырдæй æрныхас кодта раззагдæр специалисттимæ. Сбæлвырд кодтой, бастдзинады инфраструктурæйы цæджындзтæ домæнтæн дзуапп кæй дæттынц æххæстæй æмæ сæ цæрджыты æнæниздзинадæн тæссаг кæй нæу.

Бастдзинады хæрзхъæддзинадмӕ гӕсгӕ Уæрæсейы регионты 'хсæн Цæгат Ирыстон ахсы фыццаг бынæттæй иу. Интернет æххæссы Цæгат Ирыстоны 95%-ыл. Фæлæ фæстаг рæстæг бирæты тас бацыд бастдзинады инфраструктурæйы ногдзинæдты фæдыл. Бæлвырддæр дзургæйæ та, антенæттæй. Адæмæн сæ иутæ курынц бастддзинады хæрзхъæддзинад фæхуыздæр кæнын, иннæтæ уымæн цæлхдуртæ æвæрынц. Уыцы фарстайыл Сæлбиты Алан æрныхас кодта эксперттимæ.

Бастдзинады оператортæн нæ республикæйы ивгъуыд аз цы зиан æрхастой, уый аргъ дыууæ милуан æмæ 'рдæг мин сомæй ахызти. Уый тыххæй егъау оператортæй иу ацы аз Цæгат Ирыстоны бастдзинады хызæг уæрæх кæныныл нал разы кæны. Специалисттæ радон хатт радзырдтой, Уæрæсейы цы карз санитарон домæнтæ ис, уыдонæн бастдзинады инфраструктурæйы цæджындзтæ дзуапп дæттынц æххæстæй. Уыимæ ма нырыккон дуджы нымæцон технологитæ сты ахадгæ. Уый бæлвырддæр рабæрæг пандемийæйы рæстæг.

Мидхъуыддæгты министрады минæвæрттæ куыд фæбæрæг кодтой, афтæмæй азымджынты рабæрæг кæныны куыст цæуы бæстонæй. Уӕдмӕ та нымæцон технологитæ дардæр сæ къух рог кæнынц нæ республикæйы цæрджытæн. Ууыл æрвылбон Цæгат Ирыстоны архайы 2 мин адæймагæй фылдæр.
_________________________
Мы рядом в:
vk.com/irystontv
instagram.com/irystontv
youtube.com/irystontv
twitter.com/irystontv
ok.ru/irystontv

Видео Информац-технологитæ æмæ бастдзинады управ æрныхас кодтой бастдзинады инфраструктурæйы æдасдзинадыл канала iRYSTON TV