Жанармай бекеттеріндегі қауіпсіздік басты назарда: жойқын жарылыстардан қалай қорғануға болады?

Ресейдің Новосібір қаласында жанармай құю бекетіндегі жойқын жарылыстан зардап шеккендер саны 35-ке жетті. Оның 20-сы ауруханаға жеткізілген. Ішінде 10 адам ауыр халде жатыр. Айта кету керек, бекеттегі жарылыс газтасымалдаушы көліктен сұйық газды босату кезінде болған. Бұдан соң жанармай сақтайтын орын да лап берген сәтте бір жүк көлігі мен жеңіл машина жанып кеткен. Біздің елде бұндай жойқын жарылыстан қалай қорғануға болады? Қазақстанда жанармай құю бекеттері тұрғын үйлер мен көпшілік нысандардан қаншалықты аулақ орналасқан? Бұл сұрақтарды біздің тілшілер зерттеп көрді.
Қазақстанның қай өңірін алсаңыз да қала ішінде жанармай құю бекеттері көп. Ал көп қабатты үйлер мен жеке секторлар бекеттерден бірнеше аттам жерде тұр. Бұл әсіресе тұрғындарды алаңдатады.
Ал Қарағандыда жанармай бекеттерінің тұрғын үйлерге жапсарлас орналасуына қатысты осы күнге дейін бірде-бір шағым түспепті. Мамандардың жауабы осы.
МАҚСАТ ЖАҚСЫБАЙҰЛЫ, тілші:
– Шымкентте де тұрғын үйлер мен ауруханалардың маңында орын тепкен жанармай құю бекеттері жетерлік. Дәл мына бекеттің артқы бөлігінде жұқпалы аурулар ауруханасы орналасса, алдыңғы жағында автобекет тұр. Олардың арасы небәрі 50-70 метрді құрайды екен.
Ал құзырлылар болса, жанармай құю бекеттерінің орналасуына қатысты тиісті тараптардан тек арыз түскен жағдайда ғана тексеру жүрігізілетінін айтады. Оның өзінде сәулет басқармасы мен мемлекеттік сараптама зерделеуі тиіс. Соның қорытындысы бойынша бақылау басқармасы нүкте қояды екен. Мамандар бұдан бұрын бір ғана арыз қаралған деп отыр.
ҒАЛЫМЖАН ӨТЕНБАЕВ, Шымкент қаласы орта сапасы және бақылау басқармасының басшысы:
– 2019 да арызды тексеру барысында құжаттарынсыз салынып жатқаны белгілі болды. Бұл мәселе бойынша басқармадан тиісті шаралар қабылданып, айыппұл салынды.
Ал күні кеше Новосібірде болған жойқын жарылыстан соң, елімізде жаппай тексеру жұмыстары жүрігізілмейді. Өйткені құзырлылар үкіметтен тиісті тапсырма берілмеді деп отыр.

Мақсат Жақсыбайұлы, Абай Қожагелдиев
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#бекеттегі_жарылыс #Новосібір #қауіпсіздік

Видео Жанармай бекеттеріндегі қауіпсіздік басты назарда: жойқын жарылыстардан қалай қорғануға болады? канала Информбюро 31