Հակառակորդին չի հաջողվել առաջանալ դեպի Բերձոր. Արծրուն Հովհաննիսյան

«Այսօր ողջ օրը Ադրբեջանի զինված ուժերն, ինչպես նաև նրան աջակցող, զինակցող ահաբեկչական խմբավորումները, հատուկ նշանակության տարբեր ջոկատները շարունակել են իրենց հարձակողական տարաբնույթ գործողությունները ՀՀ սահմանի երկայնքով տեղակայված ստորաբաժանումների ուղղությամբ, ինչպես նաև Արցախի հյուսիսից մինչև հարավային ուղղությունը»,- այս մասին այսօր ճեպազրույցի ժամանակ ասել է ՀՀ ՊՆ ներկայացուցիչ Արծրուն Հովհաննիսյանը:

Ըստ Հովհաննիսյանի՝ Բերձորի ուղղությամբ և հարավում ոչ մասշտաբային մարտական գործողություններ են ընթացել: Հակառակորդին չի հաջողվել առաջանալ դեպի Բերձոր՝ չնայած որոշակի ջանքերին: Ավելին, այդ ուղղությամբ հայկական ստորաբաժանումներին հաջողվել է որոշակի դիրքային բարելավումներ իրականացնել։

«Հյուսիսային ուղղությամբ վարվել է հիմնականում հրետանային կրակ, մասնավորապես՝ Մարտակերտ և ավելի հյուսիս ընկած ստորաբաժանումների ուղղութամբ: Օրվա ընթացքում դուք տեսաք ապացույցներն ադրբեջանական վայրագությունների, որոնց հետևանքով կան քաղաքացիական զոհեր և վիրավորներ Շուշի և Ստեփանակերտ քաղաքներում: Հարված է հասցվել նույնիսկ ծննդատանը»,- ասել է Հովհաննիսյանը՝ հավելելով, որ միջազգային հանրության ուշադրությունն են հրավիրում հերթական անգամ:

Հարավային ուղղությամբ շարունակվում են օջախային մարտերը:

Видео Հակառակորդին չի հաջողվել առաջանալ դեպի Բերձոր. Արծրուն Հովհաննիսյան канала A1plus