Ghas re Raja | घास रे राजा | Marathi comedy parody song by Dr. Milind Paricharak. & Vinod Shendge |

मराठी मातीतला अद्भूत चमत्कार मानला जाणारं, बहुरंगी बहुढंगी व्यक्तीमत्व असलेलं आणि जीवनाला अनेक कंगोरे लाभलेले अन् "सुखदुःखे समेकृत्वा"मानून जीवनाची वाटचाल करणारे जादूगार-किमयागार असे आचार्य प्र. के. अत्रे!
साहित्याच्या अनेकविध प्रांतात मुक्त मुशाफिरी करूनही "विडंबनकाव्य" क्षेत्रात अनभिषिक्त सम्राट असणार्या आचार्य अत्रे यांचं स्थान विडंबन काव्याच्या प्रांतात ध्रूव तार्याप्रमाणे आहे. "या जन्मावर या जगण्यावर शतदा प्रेम करावे" ही आनंदी वृत्ती असलेले आचार्य अत्रे! Smile is a curved line, that puts everything straight ." या उक्तीवर नितांत विश्वास असणारे आचार्य अत्रे! "तत्कारणी देह पडो ही असे स्पृहा"असे अभिमानपूर्वक सांगत महाराष्ट्रावर अलोट प्रेम करणारे आचार्य अत्रे! अगदी सुरूवातीला "मकरंद" आणि त्या नंतर "केशवकुमार" नाव धारण करून "गुलाबाची फुले, मोगर्याची फुले, बकुळीची फुले" अशा सुगंधीत पुष्पांचे आपल्या विडंबन काव्याला नाव न देता त्यांनी "झेंडूच्या फुलांचा" रसिकांवर अविरत वर्षाव केला. आज इतक्या वर्षानंतर ही अत्रे यांची "झेंडूची फुले" आतल्या खोबर्यासकट अम्लान, ताजी राहिलीत. त्यांच्या झेंडूच्या फुलांनी मराठी रसिकांना सोने आणि हीन नीट निवडून दाखविले आणि "प्रचंड" हसविले. पुलंनी म्हटल्याप्रमाणे "ज्याला जीवनातील सुसंगती कळते, त्यालाच जीवनातील विसंगती कळते. आचार्य अत्रेंनी विडंबनाचा क्ष-किरणांप्रमाणे वापर करून दांभिकतेचा बुरखा फाडून खरा खुरा चेहरा समाजाला दाखविण्याचे कार्य करून दीन दुबळ्या पिचलेल्या समाजाचे परिवर्तन "सत्यम् शिवम् सुदरम्" मध्ये करून समाजाला नवसंजीवनी देण्याचे महत्कार्य केले. अशा या अनोख्या विषयावर मला पीएच्. डी. करण्याचं भाग्य लाभलं. आज आचार्य अत्रेंना अभिवादन करताना मी गेली 15 हून अधिक वर्षे सादर करीत असलेल्या "हास्य पंढरी" या केवळ विडंबन गीतांच्या कार्यक्रमातील एक विडंबन माझा माजी विद्यार्थी आणि संगीत मित्र आणि मार्गदर्शक असणारा श्री विनोद शेंडगे याच्या "अनाहत" recording studio मध्ये त्याच्या साथीने अगदी सहज बसल्या बसल्या विडंबन गीत सादर करतोय. अर्थात मूळ कवींची क्षमा मागून! हे बोलून चालून विडंबन गीतच असल्यामुळे त्यात उगीचच संगीत मूल्य वा सुरांकडे चिकीत्सकपणे न पाहता निखळ आनंद घ्या.
Marathi lok geet.

Видео Ghas re Raja | घास रे राजा | Marathi comedy parody song by Dr. Milind Paricharak. & Vinod Shendge | канала ANAAHAT STUDIO