Мектеп пен мұғалімді жаппай аттестациядан өткізу мәселесі бірыңғайланады

Ақтөбеге бүгін жұмыс сапарымен ҚР Білім және ғылым вице-министрі Эльмира Суханбердиева келді. Ол Новый орта мектебінде шаһар педагогтарымен кездесіп, елбасының соңғы жолдауын түсіндірді. Ұстаздар үшін басты мәселелер талқыланды. Білім қызметкерлері үшін басты мәселе аттестациядан өту. Бұрын ұстаздық еткен вице-министр бұл жағдайдың қаншалықты қиын екендігін әзілдеп болса да мойындады. Газеттерге жариялануы тиіс мақалалар, түрлі грамоталар жинау секілді бірнеше талапты алып тастау мәселесі қаралып жатыр деді ол. Педагогтарды күндіз күлкі, түнде ұйқыдан айыратын тағы бір мәселе білім ордасының мемлекеттік аттестациялануы. Эльмира Суханбердиеваның айтуынша, алда бұл мәселе де бірыңғайланады. Ұстаздар қағазбастылықтан да арылады. Вице-министр Эльмра Суханбердиева облыстық білім басқармасы мен аудандық бөлім басшыларына мұғалімдерден таусылмайтын есептерді талап етпеуді ескертті. Олар тек жылына екі рет Ұлттық білім беру мәліметтер базасына қажетті ақпаратты дұрыс берулері керек. Ал, биыл енгізілген электронды күнделік педагогтарды қағаздан арылтады. "Ұстаздар өздерінің негізгі жұмыстарымен айналыссын" деген вице-министрдің сөзіне жиналғандар қол соқты.

Видео Мектеп пен мұғалімді жаппай аттестациядан өткізу мәселесі бірыңғайланады канала РИКА ТВ