Ermeniler Lacinda qaldi, qayidis gecikdi: Niye bunu gostermirler? Boyuk sirr acildi

Ermənilər Laçında qaldı, qayıdış gecikdi... – Niyə narazıyıq? Böyük dirr açıldı

Ermənilərin dəhşətli rəzilliyini göstərəcəm sizə... Bir neçə gündür Laçın şəhəri, Zabux və Sus kəndlərində ermənilərin yaşaya biləcəyi, daha dəqiq desək, “Laçın şəhəri, Zabux və Susun Ermənistanın nəzarəti altında qaldığı” haqda erməni rəsmilər və mediasının təbliğatı davam edir.
Sözügedən şəhər və kəndimizdən (Sus kəndi də Zabux kəndinin inzibati ərazisinə daxildir) erməniləri çıxmağa tələsməməyə çağıran Ermənistan rəsmiləri oldu. Ermənistan mediası isə bunu “Laçın və daha iki sərhəd kəndi Ermənistanın nəzarətində qaldı” başlığı ilə manipulyasiya etməyə başladı.
Bunun nəticəsi özünü sosial şəbəkələrdə göstərməyə başlayıb və ciddi təbliğat aparıldığını görürük.
Əslində nə baş verir?
Əvvəla, Laçın dəhlizi bu ərazilərdən keçdiyi üçün həmin şəhər və kəndimizə nəzarət Rusiya sülhməramlılarında qalır, ermənilərin təqdim etdiyi kimi, “Ermənistanın nəzarətində” deyil!
İkincisi, Rusiya sülhməramlıları həmin ərazilərdə onlara qulluq edəcək xidmətçilərin olmasını istəyib və 200 nəfərin siyahısını təqdim edib.
“200 nəfər niyə məhz Laçın dəhlizində yerləşməlidir və ümumiyyətlə, 1960 nəfərlik sülhyaradanların “dəhlizdə” yerləşən hissəsi nə qədərdir ki, onlara 200 nəfər də xidmətçi lazım olsun” sualı, əlbəttə ki, hamını düşündürə bilər. Ancaq siz elə düşünürsünüzsə ki, Rusiya sülhməramlıları ideal ədalət üçün burdadırlar və ya biz ciddi güzəştlərə gedirik, yanılırsınız.
NATO-nun Cənubi Qafqaza müdaxilə etdiyi haqda bu təşkilatın ötəngünkü açıqlaması təsadüfi deyil. NATO da elə düşünür ki, Rusiya fürsətdən istifadə edərək, Cənubi Qafqazdakı mövqelərini gücləndirməklə məşğuldur. Artıq buna qarşı fəaliyyət planları da hazırlanıb. Gürcüstanla əlaqələr, Tiflislə birgə təlimlərin genişləndirilməsi, hərbi baza və s. NATO-nun gündəmindədir.
Rusiya bölgədə öz maraqlarını qorumaq və Ermənistandakı əhval-ruhiyyəni öz xeyrinə dəyişmək üçün mümkün olan hər şeyi edir – humanitar yardımlar, ermənilərin Xankəndiyə köçürülməsi, onlara tikinti materiallarının verilməsi və s.
Bəs, Laçın şəhərində ermənilərin saxlanılması?
Laçın dəhlizində “200 xidmətçi” – ortalama 800-ə yaxın erməninin qalmasına şərait yaradılması deməkdir. Belə ki, hər “xidmətçi”nin bir ailəsi olduğunu və o ailə tərkibini 4 nəfərdən götürsək, bu rəqəm alınır. Laçında ermənilər işğaldan sonra məskunlaşıb və ilkin məlumata görə, burda təxminən 2 min erməni yaşayır.
Belə ki, Laçın dəhlizinin Bəyanatda “Şuşaya toxunmadan” keçdiyi bildirilsə də, Laçın şəhəri ilə bağlı belə bir fraza yoxdur. Çünki “Şuşaya toxunmadan” keçməsi üçün o yolun alternativi var, ancaq Laçın şəhərindən yan keçməsi üçün alternativ yoxdur.
Alternativ üçün Bəyanatda “3 ilə qədər yeni yol çəkilməsi” nəzərdə tutulur. Prezident İlham Əliyev elan etdi ki, 3 il olması vacib deyil, “3 ilə qədərdir” və bu yolun daha da tez layihələndirilməsi və çəkilməsi üçün artıq hazırlıqlara başlanılıb.
Yəni Laçın şəhərinə qayıdış ən pis halda 3 ilə qədər ola bilər. Bundan niyə şou yaradılmalı və narazılıq edilməlidir?
Müqayisə üçün deyək ki, işğaldan azad edilən şəhər və kəndlərimizə də qayıdış başlamayıb və yaxın aylarda başlaması da mümkün deyil: əvvəla, şəhər və kəndlərimiz dağılıb, ikincisi, dağılmayan, qorunan Şuşaya, Hadruta, Suqovuşana belə qısa müddətdə qayıdış nəzərdə tutulmur. Bütün infrastruktur bərpa edilməli, ərazi – xüsusilə əkin-biçin, otlaq sahələri minalardan tam təmizlənməlidir.
ANAMA bunun üçün ən azı 3-5 il, ərazilərimizin tamamilə təmizlənməsi üçün isə 10 ilə qədər vaxt lazım olacağını elan etdi.

Yəni bütün məsələlərin bir anda həll olunmasını hamı istərdi, ancaq yalnız İlham Əliyev bilir ki, nəyi nə vaxt necə etmək lazımdır!
Bütün manipulyasiyaları rədd etmək üçün kifayət qədər əsaslar və ən əsası İnam var.
Bu İnamın ünvanı İlham Əliyevdir!
Ermənilərin dəhşətli rəzilliyi
Azərbaycanın Vətən müharibəsində darmadağın edilən Ermənistanın danışıqlarda və siyasi proseslərdə mövqe qazanmaq üçün nələrə əl atdığını görəndə dəhşətə gəlməmək olmur.
Ermənilərin növbəti belə həyasızlığı və Rusiyada istifadə cəhdi dillə bağlıdır. Belə ki, erməniyanlı media Kreml sözçüsü Peskova ənənəvi mətbuat konfransında “Dqr”in “ikinci dövlət dili” rus dili olarsa, buna münasibətiniz necə olacaq” sualı ilə müraciət edib.
De-fakto və de-yure mövcud olmayan keçmiş və qondarma “dqr”in terrorçu-separatçı rəhbəri Arutyunyan “parlamentdə” rus dilinə “dqr”də ikinci dövlət dili statusu verilməsinin müzakirə ediləcəyini bildirib.
Dünənə qədər KTMT-dən və Aİ-dən çıxmaqla Rusiyanı hədələyən, KTMT baş katibinə cinayət işi açıb həsb edən, Rusiyanın Ermənistanda fəaliyyət göstərən nəhəng şirkətlərinə qarşı araşdırma başladan, rus kanallarının Ermənistanda yerli tezliklərdə yayılmasını qadağan edən Ermənistan hakimiyyəti Rusiyaya sevgisini bildirir, dünənə qədər Putini ən ağır söyüşlərlə təhqir etməyi peşəsinə çevirən erməni mediası isə ruscanın mühümlüyü və “dqr”dəki istifadəsinin perspektivlərinə münasibət öyrənir.

#Böyüksirr #44günlükmüharibə #Laçındəhizi

Видео Ermeniler Lacinda qaldi, qayidis gecikdi: Niye bunu gostermirler? Boyuk sirr acildi канала Ilqar Yasaroglu