Manghopir Town Mein Eid-ul-Fitr Se Pehle Ijlas Safai, Drainage Aur Barish Se Nimtnay Ke Liye Faislay

KTUBE News par aap dekh rahe hain Manghopir Town se ek aham update jahan Chairman Haji Nawaz Ali Brohi ki khas hidayat par Eid-ul-Fitr ke moqe par shehriyon ko behtareen baldiati sahuliyat faraham karne aur mumkin barish ke pes-e-nazar intizamat ka jaiza lene ke liye ek aham ijlas munaqid hua.

Ye ijlas Municipal Commissioner Agha Khaliq ki zair-e-sadarat hua jisme sanitation department, M&D department aur digar mutaliqa idaron ke afsaran ne shirkat ki. Ijlas ke doran safai suthrai, nikaasi-e-aab, sarkon ki behtari aur street lights ke intizam ko moassar banane par tafseeli ghour kiya gaya.

Khas tor par is baat par zor diya gaya ke Eid ke dinon mein mumkin barish ke sabab nalo, nalion aur gutteron ki foran safai aur drainage system ko mukammal tor par functional banaya jaye taake pani ki nikaasi mein koi rukawat paida na ho aur shehriyon ko kisi qisam ki pareshani ka samna na karna paray.

Municipal Commissioner Agha Khaliq ne sanitation department ko hidayat di ke Eid se pehle khas safai muhim shuru ki jaye aur Eid ke dinon mein bhi safai ka amal bila rukawat jari rakha jaye, jabke M&D department ko sarkon aur galiyon ki safai ke sath street lights ki marammat aur nasb ko yaqini banane ka hukum diya gaya.

Ijlas mein is baat par bhi ittifaq kiya gaya ke tamam afsaran field visits ko yaqini banayen aur tamam jari kaamon ki khud nigrani karein taake tamam intizamat waqt par mukammal ho saken.

Ye report khas tor par KTUBE News ke liye tayar ki gayi hai taake viewers tak Manghopir Town ke Eid intizamat aur development updates ki mukammal aur bar waqt maloomat pohanchai ja sake. Welcome to K Tube – Your #1 Source for Karachi News!
Stay updated with the latest news, events, and real stories from every corner of Karachi. From breaking headlines to local updates, K Tube brings you the heartbeat of the city, all in one place.
#KTUBENews #ManghopirTown #HajiNawazAliBrohi #AghaKhaliq #KarachiNews #EidPreparations #EidUlFitr2026 #KarachiUpdates #SanitationDrive #DrainageSystem #RainAlert #MunicipalWork #TownAdministration #UrbanDevelopment #PublicFacilities #CleanKarachi #CityNews #LocalGovernment #DevelopmentProjects #PublicService #KarachiLocalNews #Infrastructure #StreetLights #CommunityDevelopment
Don’t forget to subscribe and stay informed!
--
Instagram
https://www.instagram.com/ktube_digital?igsh=NTc4MTIwNjQ2YQ==

Facebook
https://www.facebook.com/share/19vWEwxKim/

Видео Manghopir Town Mein Eid-ul-Fitr Se Pehle Ijlas Safai, Drainage Aur Barish Se Nimtnay Ke Liye Faislay канала K Tube