Бақыткүл Хаменованың пара алғаны дәлелденсе, облыс әкімі отставкаға кетуге дайын

Бүгін Атырау облысының әкімі Махамбет Досмұхамбетов орынбасарлары жемқорлықпен күдікке ілініп, сот кінәлі деп тапса, отставкаға кетуге дайынмын деп отыр. Айта кетейік, жұма күні облыс әкімінің орынбасары Бақыткүл Хаменова мен мәдениет басқармасының басшысы Ақылбек Рысқалиев Атырау қаласында Абай ескерткішін жасау және орнатуға 145 миллион теңгеге мемлекеттік сатып алу шартын жасағаны үшін алдын-ала сөз байласып, мердігерден 4 жарым миллион теңге пара алған деген күдікпен ұсталған. Ал, бүгін сыбайлас жемқорлыққа қарсы агенттік қызметкерлері күдікті деп танылған екі шенеунікті бетпе-бет кезіктірді.
Бақыткүл Хаменованың адвокаты шенеунік ұсталардан бір тәулік бұрын қамалған өзге азаматтың жауабы арқылы тергеліп отырғанын айтады. "Бұл уақыт аралығында ол азаматпен кім не істегені белгісіз. Бір қызығы ол сотта күдікті ретінде емес, куәгер ретінде жауап беріп жатыр" деп жазды. Айта кетейік, Бақыткүл Хаменованың жалғызбасты әйел екендігін, Атырауда тұрақты тұратындығын, қылмыстық қудалау органдарынан жасырынбағанын, бұрын сотталмағанын, өзі екі баланы тәрбиелеп отырғанын, асырауында қарт анасының барын ескерген Сот процессуалдық шектеулерді белгілей отырып, үй қамаққа жіберді. Атырау облысы әкімнің баспасөз хатшысы Бақытгүл Хаменоваға қатысты әзірге ресми органдардан ешқандай құжат келмегенін айтады.
ЕРЖАН ҚАЛЫМБАЙҰЛЫ, Атырау облысы әкімінің баспасөз хатшысы:
– Облыс әкімінің орынбасары Бақыткүл Хаменова жұма күні жұмыста болған. Бүгін жұмыста жоқ. Ресми органдардан, соттан ешқандай қаулы келген жоқ. Егер сондай ресми құжат келсе ғана әкімдік тарапынан шешім қабылданады.
Айта кетейік, ақын Абайдың қоладан құйылған ескерткішінің биіктігі 11 метр, салмағы 5 тонна. Ескерткіштің ашылуы салтанаты 27-ші желтоқсанға жоспарланған.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#БақыткүлХаменова #тергеу #пара #Антикор

Видео Бақыткүл Хаменованың пара алғаны дәлелденсе, облыс әкімі отставкаға кетуге дайын канала Информбюро 31