Ақтөбе автобустарына енгізілген карталық төлем жұртты керісінше әбігерге салып жатыр

Автобустардағы жол жүру ақысын карталық төлемге ауыстыру арқылы халыққа қолайлы жағдай жасаймыз деген ақтөбе билігі, керісінше жағдайды ушықтырып алған сияқты. Карталық жүйеге көшкен он бес күннің ішінде қалада жолға шығатын қоғамдық көлік саны бірден азайып кеткен. Ал тұрғындар аялдамада қырық минутқа дейін автобус күтуге мәжбүр.
Бұл Ақтөбедегі қоғамдық көліктердің қазіргі жай-күйі. Аялдамаларда сағаттап автобус күтетін тұрғындар жұмыстарына, үйлеріне жету үшін амалсыз осылай тиеліп мінуге мәжбүр. Тұрғындар автобустарда карталық жүйе енгізілгеннен бері осындай қиындыққа тап болғандарын айтады.
Әкімдіктегілер енгізілген жаңа өзгеріс қоғамдық көлік жүргізетін жүргізушілерге ұнамағанын айтады. Күнделікті қолма- қол табысқа үйренген олар, карталық жүйеге қарсы шығып, жұмыстарынан кеткен. Сондықтан қала ішінде жүретін қоғамдық көліктердің саны азайыпты. Енді олар қазір екі тасымалдаушы компанияда қалған жүргізушілермен келіссөз жүргізіп, жалақы мәселесін келісіп жатқандарын айтады.
ӘДІЛБЕК ТАНКЕЕВ, «Жол қозғалысы қауіпсіздігін қамтамасыз ету және сандық технологиялар» мемлекеттік мекемесінің директоры:
– Карталық төлемге ауысқаннан кейін бәрі электрондық жүйеге ауысты. Көлеңкелі айналымдағы ақшаның бәрі тікелей мердігер мекеме, яғни тасымалдаушы мекемелердің өздеріңнің есеп шотына түсетін болды. Содан кейін кондуктор мен жүргізушілерге ақша түспейтін болды. Қазіргі жағдай соған себеп. Қазір мәселені шешіп, жалақыға отырғызу жүріп жатыр. Бұл мәселе алдағы уақытта шешіледі.
Шенеуніктер жол жүру ақысы карталық жүйеге көшкен он бес күннің ішінде тасымалдаушы мекемелерге түсетін қаржы екі есеге дейін өскенін айтады. Қазір ақтөбеліктер қоғамдық көліктерге картамен 80 , ал картасыз 150 теңге төлейді.
Жанар Қожанова, Жомарт Құдайбергенов
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#ЖолЖүруАқысы #карталық_төлем #Ақтөбе

Видео Ақтөбе автобустарына енгізілген карталық төлем жұртты керісінше әбігерге салып жатыр канала Информбюро 31