НАЗАРБАЕВТЫҢ АЖАЛЫ ЖАҚЫНДАП - КӨРСЕҢ ЖАНЫҢ АШИДЫ!

Бәріңізге ассалаумағаликум. Болат Назарбаевтың хал үстінде жатқаны рас па? Ол қандай дертке шалдыққан? Тұңғыш Президенттің туған інісі сонда қазір қайда? Ол Әли Банат сияқты байлығын халыққа таратып бере ала ма? Небәрі 33 жасында өмірден өткен атақты миллонер Әли Банат жайлы естідіңіз бе? Жиған-тергенін жай ғана халқына үлестіре салған тағы қандай байлар бар? Мұны сізге сөзссіз білген дұрыс!

ҚАЙЫРЫМДЫЛЫҚ

Ел арасында Болат Назарбаевтың жағдайы мүшкіл екені гу-гу әңгіме боп тарағанына біраз болды. Оның хәл үстінде жатқаны туралы жап-жаңа фото-видео Экспресс К сайтына келіп түскен. Порталға әлдебіреу жолдаған фото-видео материалға қарағанда, Болат Назарбаев Алматыда немесе Алматы облысында көрінеді. Инсайдердің хабарлауынша, Нұрсұлтан Назарбаевтың інісі өңештің қатерлі ісігі яғни рак ауруына шалдыққан. Дәрігерлердің сөзінше, түрлі созылмалы дерті бар Болат Назарбаевтың жағдайы тым мүшкіл. Сайтқа ақпарат берушінің айтуынша, Болат Назарбаев бұған дейін Германия, Израильде ем алған. Сол уақыттарда дәрегілерлер қарсы болса да, оны Қазақстанға алып келген. Ақпар берушілер кейінгі кездері Болат Назарбаев кәсібіне, айналасындағы адамдардың әрекетіне араласпағанын айтқан.
«Ағайының бай болса, шайнағаның май болар» дейді қазақ. Бізде шіріген байлар көп. Бірақ халықтың солардың шарапатын көргені шамалы. Ол байлыққа әр кім әр қалай жетті. Өзге байды қайдам Болат Назарбаевтың есепсіз байлық жинауына туған ағасының Президент болғаны әсер еткені айдан анық. Оны біз де, сіз де жақсы білеміз. Оны Болат Назарбаевтың өзі де жақсы біледі екен. Хал үстінде жатып әбден ойланған Бөкең ақыры жиған-тергенін түгел халыққа таратып беруді шешіпті. деп сүйіншілейтін күн тусын. Бұл әзірге жай ғана қиял, арман ғой. Кім біледі, Назарбаев 33 жасында өмірден өткен атақты бай Әли Банаттың әңгімесін естіп мүмкін ойланып қалар. Сол сияқты байлығын халыққа үлестіріп беріп елдің алғысы мен ықыласынан артық ештеңе жоқ екенін түсінер. Ал Әли Банат деген кім болған деп отырған шығарсыз. Ендеше сол туралы айтайық.
Әли Банат – австралиялық кәсіпкер, миллионер. 1982 жылы дүниеге келген. Дәулетті отбасынан шыққан. Әке-шешесінің көмегімен жастайынан кәсіпкерлікті бастаған. Кәсіптің көзін тапқан. Бұл «кедей – бай, бай – Құдай болсам» дейтін заман ғой. Кәсіпкерлікте тасы өрге домалаған Әли Банат та миллионерлерше өмір сүрген. Қолына 60 мың доллардың сағатын таққан, астына 600 мың доллардың көлігін мінген, 6 млн доллардың хан сарайдай зәулім үйінде тұрған. Яғни, ішкені алдында, ішпегені артында болған. Сөйтіп, жалғанды жалпағынан басқан. Бірақ, бір күнде оның өмірі 180 градусқа күрт өзгерген. Иә, Әли Банатты өткен шақта айтып отырмыз. Өйткені, шыққан тегі палестиналық Австралия азаматы 33 жасында қатерлі ісік ауруынан қайтыс болды. Дегенмен, қамшының сабындай қысқа болған ғұмырының соңғы жылдарын мәнді өткізді. Бар байлығын мұқтаж жандарға таратып берді. Осылайша, оның артында өшпейтін өнегесі қалды.
Тарқатып айтайық. 2015 жылы 30 жастағы табысты кәсіпкер дәрігерлерден обыр ауруына шалдыққаны жөнінде жайсыз хабарды естиді. Ақ халатты абзал жандар жеті ай ғана өмірі қалғанын да жасырмай айтады. Басқалар сияқты бар байлығын ғұмырын ұзарту үшін қымбат емге жұмсауға болатын еді. Бірақ, санаулы қалған ғұмырын құлшылықпен өткізіп, халықтың алғысын алуға жұмсайды.
«Бұл өмірге қалай келсең, жалғаннан солай өтесің. Ол жақта қасында әкең де, шешең де, бауырың да, досың да болмайды. Жинаған байлығың да қалады. Артымызда қалатыны – өнегелі ісіміз ғана», – деген миллионер (Әлемнің барша мұсылмандары) атты қайырымдылық қорын құрады. 30 жасқа дейін жиған-тергенін қайырымдылық қорға аударады. Кәсіпкер бастамасына басқа да қалталы азаматтар үн қосады. Қорға материалдық қолдау көрсетеді.
Әли Банат пендеде ажалға қарсы тұрар күш жоқ екенін ұғынып, өмірі үшін күреспейді. Ауруханаға жатпайды. Күш-қуаты сарқылмай тұрғанда жасыл құрлықтан қара құрлыққа аттанады. Алыстағы Африка халқының тұрмысын түзеуге атсалысады. Оның қайырымдылық қоры кедей елдерде ондаған мешіт, мектеп, аурухана салды. Бір жұтым суға зар болғандардың мәселесін шешті. Жетімдерді де елеусіз қалдырмады.
Айықпас ауруға шалдыққанын естігенде Әли Банаттың салы суға кетпеген. Керісінше «Обыр – Алланың маған жіберген сыйы. Жаратқан осылайша маған өмірдің шын мәнін ұғындырды, көзімді ашты» деп қабылдаған екен. Содан ақтық демі таусылғанша мұқтаж жандарға қол ұшын созды. Қымбат мүліктерін кедейлерге таратты.
Өмірінің соңғы күндері төсек тартып жатып қалды. Сонда да халықты мейірімділікке, қайырымдылыққа шақырған видеолар түсірді.
Халықтың ықыласына бөленген Әли Банат дәрігерлер айтқан жеті айдың орнына аурумен арпалыспай-ақ үш жыл мәнді ғұмыр кешті. 2018 жылы 29 мамырда 33 жасында өмірден өтті. Қасиетті Рамазан айында денесі жер қойнына тапсырылды. Онымен қоштасуға Сиднейге әлемнің әр түкпірінен бейтаныс адамдар келді.
Жарқ етіп шығып, ерте сөнген жұлдыз Әли Банаттың осылайша, Абай айтқандай, артында өлмейтін сөзі, өшпейтін көзі қалды. Игілікті істерін әлем естіп білді.

Видео НАЗАРБАЕВТЫҢ АЖАЛЫ ЖАҚЫНДАП - КӨРСЕҢ ЖАНЫҢ АШИДЫ! канала BILGEN DURYS