ក្លាហានណាស់! អ្នកចិញ្ចឹមត្រី និងកង្កែបនៅព្រៃវែង ឡើងឆ្លើយឆ្លងជាមួយសម្តេចអត់ភ័យអីសោះ

(ព្រៃវែង)៖ ពិតជាក្លាហានណាស់អ្នកប្រកបរបរចិញ្ចឹមត្រី និងកង្កែបនៅខេត្តព្រៃវែង ឡើងឆ្លើយឆ្លងជាមួយសម្តេចតេជោ ហ៊ុន សែន នាយករដ្ឋមន្ត្រីកម្ពុជា បង្ហាញពីស្ថានភាពចិញ្ចឹមកង្កែប និងត្រីរបស់ពួកគាត់អត់មានភ័យអីបន្តិចសោះ។

សម្តេចតេជោ ហ៊ុន សែន កាលពីថ្ងៃអង្គារ ទី១៤ ខែកក្កដា ឆ្នាំ២០២០កន្លងទៅនេះ បានអញ្ជើញចុះទៅពិនិត្យមជ្ឈមណ្ឌលស្រាវជ្រាវ និងអភិវឌ្ឍន៍វារីវប្បកម្មទឹកសាប ហើយក៏បានសំណេះសំណាលជាមួយប្រជាពលរដ្ឋប្រកបរបរចិញ្ចឹមត្រី និងកង្កែបផងដែរ។

ក្នុងកិច្ចសំណេះសំណាលនោះ មុននឹងថ្លែងសំណេះសំណាលសម្តេចតេជោ ហ៊ុន សែន បានអនុញ្ញាតឱ្យអ្នកចិញ្ចឹមត្រី និងកង្កែប ឡើងមកបង្ហាញពីស្ថានភាពនៃការចិញ្ចឹមត្រី ក៏ដូចជាកង្កែបរបស់ពួកគាត់។ អ្នកចិញ្ចឹមត្រី និងកង្កែបនោះ បានជម្រាបសម្តេចពីផលចំណេញបានពីការចិញ្ចឹមត្រី និងកង្កែប ហើយក៏បានជម្រាបពីបញ្ហាប្រឈមរបស់គាត់មួយចំនួនផងដែរ។

ក្នុងពេលស្តាប់ការរៀបរាប់របស់អ្នកចិញ្ចឹមត្រី និងកង្កែបនោះ សម្តេចតេជោនាយករដ្ឋមន្ត្រី បានដាក់ចេញនូវវិធានការមួយចំនួនសម្រាប់ដោះស្រាយបញ្ហាប្រឈមរបស់ពួកគាត់ផងដែរ។

កិច្ចសំណេះសំណាលនោះត្រូវបានគេមើលឃើញថាមានភាពសាមញ្ញ និងស្និទ្ធស្នាលបំផុតរវាងប្រជាពលរដ្ឋជាមួយថ្នាក់ដឹកនាំប្រទេស៕

* ទូរទស្សន៍ព័ត៌មាន Fresh News ផ្សាយគ្របដណ្តប់ទូទាំងប្រទេសតាមរយៈផ្កាយរណប និងខ្សែកាប PPCTV ប៉ុស្តិ៍ 76, DTV ប៉ុស្តិ៍ 19, SkyOne ប៉ុស្តិ៍ 26, One TV ប៉ុស្តិ៍ 18, CCTV ប៉ុស្តិ៍ 37 និងទូរទស្សន៍ខ្សែកាប ២៥រាជធានី-ខេត្ត និងផ្សាយព័ត៌មានថ្មីៗចុងក្រោយតាមប្រព័ន្ធ App, Website, TV Channel, Radio, YouTube, Facebook, English, Chinese, Telegram.

Видео ក្លាហានណាស់! អ្នកចិញ្ចឹមត្រី និងកង្កែបនៅព្រៃវែង ឡើងឆ្លើយឆ្លងជាមួយសម្តេចអត់ភ័យអីសោះ канала FRESH NEWS