Əsas xəbərlər 14.11.2020 (Xəbər Saatı) Qarabağla bağlı MÖHTƏŞƏM YENİLİK!

İngiltərənin BBC informasiya agentliyi üçtərəfli bəyanata uyğun olaraq ermənilərin Kəlbəcərdən təxliyəsi ilə bağlı videoreportaj hazırlayıb. Artıq görünür ki, razılaşma icra olunur, torpaqlarımız müharibəsiz, qan tökülmədən geri qaytarılır. Əslində, bu, Prezident İlham Əliyevin hərbi sahədəki möhtəşəm uğurlarımızı məharətlə siyasi-diplomatik müstəviyə keçirməsi ilə mümkün oldu. Görəsən, millət vəkili Nəsib Məhəməliyev qan tökülmədən torpaqlarımızın yerdə qalan hissəsinin qaytarılmasında Pezident İlham Əliyevin əvəzolunmaz xidmətini necə dəyərləndirir?
Publika.az onun müsahibəni təqdim edir.
- Tamamilə doğrudur. Azərbaycan, Rusiya prezidentlərinin, eyni zamanda Ermənistanın baş nazirinin imzaladığı bəyannaməyə əsasən, noyabrın 15-nə qədər Kəlbəcərdən erməni qoşunları çıxmalıdır. Ondan sonra, Ağdam və Laçın rayonundan çıxmalıdır. Təbii burada spekluyativ məlumatlar da yer ala bilər. Erməni, Qərb mətbuatının, ələlxüsus Fransanın və Kanadanın tutduğu mövqe Azərbaycan xalqını narahat etməməlidir. Dünya erməniliyi və onlara dəstək verən qüvvələr maksimum çalışırlar ki, bu prosesi yubatsınlar, əngəl torətsinlər. Biz bu günlərdə Fransanın xarici işlər nazirinin verdiyi bəyanatı unutmamışıq. Ancaq əməli işdə real nəticə, təsdiq olunmuş sənəd var və bu sənədə uyğun şəkildə işğal altında olan qeyd etdiyim rayonlar azad olunmalı, qaçqınlar öz yerlərinə köçməli və erməni silahlı qüvvələri Azərbaycan ərazisini birdəfəlik tərk etməlidilər. Şübhəsiz bütün bunlar Azərbaycan Respublikasının Prezidenti, Ali Baş Komandan İlham Əliyevin xidmətidir, onun göstərdiyi diplomatik səylərin nəticəsidir. Baxmayaraq ki, regionda marağı olan ciddi qüvvələr var və bu qüvvələr də özünə uyğun bir mövqe tuturlar. Amma bütün bunlara baxmayaraq, son ay yarımda olduğu kimi Prezidentin qəti mövqeyi, siyasi iradəsi ortadadır və xalq da onun arxasındadır. Hamı tam əmin ola bilər, bu bəyannamədə göstərilən bəndlər real həyatda öz təsdiqini tapacaq.
Ermənistandan Paşinyan iqtidarına qarşı etirazlar davam edir. Yenisabah.az xəbər verir ki, Ermənistan müxalifəti bu gün yenidən kütləvi aksiyalara başlayıb.

Etirazçılar Paşinyandan Qarabağda müharibənin dayandırılması barədə Bakı, Moskva və İrəvan arasında birgə imzalanmış bəyanatla bağlı izahat tələb edirlər.
Müşahidələr göstərir ki, Paşinyan və komandası erməni cəmiyyəti ilə hesablaşmaq niyyətində deyil.
Baş nazirin etirazçılara yönəlik açıqlamaları, hakim “Mənim Addımım” parlament fraksiyasına daxil olan deputatların müzakirələrə qatılmaqdan imtina etməsi, nəhayət, aksiya iştirakçılarına qarşı zorakılıq tətbiq olunması və repressiv addımlar Paşinyan hökumətinin demokratik obrazını da darmadağın edib.
Ermənistanın gündəmində Qarabağla yanaşı, Paşinyanın repressiyalara əl atması xüsusi yer tutur. Lakin maraqlıdır ki, daim demokratik dəyərlərin keşikçisi rolunda çıxış edən Qərb Ermənistanda demokratik dəyərlərin ayaqlanmasına göz yumur.
Mövzu ilə bağlı “Yeni Sabah”a danışan politoloq Qabil Hüseynli hesab edir ki, Qərbin Ermənistanda baş verənləri sükutla seyr etməsi ikili standartlardan irəli gəlir. “Siyasi liberalizm, fikir azadlığı və digər demokratik dəyərlər yalnız hansısa ölkəyə təzyiq edəndə yada düşür. Baxın, Qərb Azərbaycanın işğal altında olan torpaqlarına necə don geyindirir. Sanki bunlar həmin ərazilərin Azərbaycana məxsus olmasından, ermənilərin işğalçılıq siyasətindən, Qarabağda etnik təmizləmə aparmalarından xəbərsizdirlər.  
Rusiya prezidenti Vladimir Putin Dağlıq Qarabağla bağlı Qurumlararası Humanitar Mərkəzin yaradılması barədə fərman imzalayıb.

Yenisabah.az TASS-a istinadən xəbər verir ki, bu barədə Kremlin saytında məlumat verilib.
Fərmanda bildirilib ki, Dağlıq Qarabağla bağlı Humanitar Yardım Mərkəzində Rusiya Fövqəladə Hallar və Xarici İşlər nazirliklərinin, Federal Təhlükəsizlik Xidmətinin nümayəndələri təmsil olunacaqlar.
Təşkilati məsələlər Müdafiə Nazirliyinə həvalə ediləcək.
Fərman imzalandığı gündən qüvvəyə minir.
Şuşanı qaytarmaq üçün iki cəhd etdik, lakin ikisi də uğursuz oldu.
Yenisabah.az xəbər verir ki, bunu Nikol Paşinyan Ermənistanın İctimai televiziyasına müsahibəsində deyib.
Onun sözlərinə görə, Şuşanın itirilməsi ətrafında bir çox mif var:
"Məsələn, Şuşanın itirilməsini biləndə mənə 50 döyüşçümüzün hələ də orada olduğu barədə məlumat verildi. Məlumat verən şəxslə əlaqə qurmağı xahiş etdim və sonra onun Şuşada deyil, Xankəndidə olduğu məlum oldu".
Erməni tərəfi Qarabağla bağlı üçtərəfli razılaşmanı cırıb zibil qutusuna ata bilər, ancaq bununla heç nə dəyişməyəcək.
Yenisabah.az xəbər verir ki, bu sözləri Ermənistanın baş naziri Nikol Paşinyan ölkəsinin İctimai Televiziyasına müsahibəsi zamanı bildirib.
“Biz bu sənədi cırıb ata bilərik, ancaq bunun nəticələrini düşünmək lazımdır. Əgər biz bunu etsək, o zaman demək ki, 10 noyabra qədərki vəziyyətə, yəni müharibəyə qayıdacağıq. Anlamaq lazımdır ki, bunun nəticələri olacaq”, - deyə N.Paşinyan bildirib.
Onun sözlərinə görə, imzalanmış sənədi sərt şəkildə tənqid edən müxalifət daha

Видео Əsas xəbərlər 14.11.2020 (Xəbər Saatı) Qarabağla bağlı MÖHTƏŞƏM YENİLİK! канала Musa Media