Супайнат Гасангусенова и Патимат Алиева - О Аллах (Новый Нашид 2022)

Я Аллагьу, я Аллагь!!!

Я Аллагьу, я Аллагь,
Я Рах1ману, я Рах1ман,
Я Кариму,я Карим ,
Кумек дур х1ажат буго.

Нафсалъулгун кьал ах1ун,
Кьалда рагъулел ругел,
Гъаримал дур лагъзазе,
Гьабе кумек, я Карим.

Къвак1ун данде къеркьолеб,
Къвак1араб тушманалъул,
Тату хвезе гьабизе,
Гьунар кье нижей, Жаббар.

Жаниса рак1 чуризе,
К1удаб гъирагун ругел,
Гъуфранал дагьлъизарун,
Раче, Бечед, аск1оре.

Г1инда г1емер раг1улел,
Рекъеч1ел харбаздаса,
Хвасар гьаре гьарула,
Гьардарав, дир Бет1ергьан.

Бераздаса нур унеб,
Унти ц1ц1ик1инабулеб,
Ц1обал къот1изарулеб,
Добег1ан къазе гьабе.

Мац1алда ц1а рек1унеб,
Ц1алаца ниж рухулеб,
Гъибат бугьтаналдаса,
Дагьал рик1к1алъизаре.

Х1алалде гурони,
Х1арамалде бегьизе,
Гьаб к1иябго квер тоге,
Квер г1ат1идав, я Карим.

Суждаялде г1едег1ун,
Г1одор ч1вазе гурони,
Г1адлу гьеч1еб бак1алда,
К1усинаруге лугбал.

Гурх1алил ц1адал чвахун,
Ц1обазул буран бичан,
Баркатазул лъарал т1ун
Бит1араб нухде т1аме.

Т1ад лъураб щуябго как,
Щулаб имангун балеб,
Щулалъи рек1елъ кьабун,
Кьалда бергьине гьаре.

Гьаб дунялъул боц1и,
Берцинлъизе биччаге,
Бичасул дагьал къоял,
Къуръаналда инаре.

Чорхол нафс къезе гьабе,
Къальбу бац1ц1ине гьабе,
Къаникье руссинег1ан
Къагьгьарин г1одизаре.

Амин Аллагь, я Аллагь,
Амин Аллагь, я Аллагь,
Ах1и дуде балезул,
Мурадал т1уразаре.

Айшат Саидовна.

DAG PRODUCTION - ПЛАТФОРМА ДЛЯ ТВОРЧЕСКИХ ЛЮДЕЙ

У НАС ВЫ НАЙДЕТЕ НОВЕЙШУЮ МУЗЫКУ И КЛИПЫ.

МЫ ЗАНИМАЕМСЯ ПРОФЕССИОНАЛЬНОЙ ВИДЕОСЪЕМКОЙ И ДИСТРИБЬЮЦИЕЙ МУЗЫКАЛЬНОГО КОНТЕНТА.
СВЯЗЬ С НАМИ:
ДАГЕСТАН ТЕЛ: +7 989 451 59 55
МОСКВА ТЕЛ: +7 985 124 59 28
ПОЧТА: dagproduction05@gmail.com
ИНСТАГРАМ: @Xalid_aliev

Видео Супайнат Гасангусенова и Патимат Алиева - О Аллах (Новый Нашид 2022) канала DAG PRODUCTION