Yekun xəbərlər 30.11.2020 (Xəbər Saatı) Qarabağdan hamının gözlədiyi ƏLA XƏBƏR!

Rusiya Müdafiə Nazirliyi Xankəndidə səhra hospitalı açıb.
Yenisabah.az xəbər verir ki, bu barədə Rusiya sülhməramlılarının tibbi bölməsinin rəisi Yaroslav İvanov jurnalistlərə açıqlamasında bildirib.
Onun sözlərinə görə, səhra hospitalının yaradılmasında ilk növbədə məqsəd sülhməramlı kontingentin tibbi təminatını həyata keçirməkdir: “Biz dinc əhaliyə də kömək göstərməyə hazırıq. Öz fondumuz hesabına 40-a qədər insanı hospitalda yerləşdirə bilərik”.
Y. İvanov qeyd edib ki, hospital reanimasiya şöbəsi, funksional diaqnostika, laboratoriya diaqnostikası, əməliyyat bölməsi, stomatologiya və oftalmologiya kabinetləri ilə təchiz olunub: "Bundan başqa, hospitalda süni nəfəs aparatı, UZİ və rentgen cihazları da var".
"AZGRANATA" MMC tərəfindən “Topçu” adlı yeni vodka məhsulunun istehsalı sosial şəbəkə istifadəçiləri tərəfindən tənqidlə qarşılanıb. Bəzi istifadəçilər müqəddəs amal uğrunda döyüşən hərbçinin fotosunun içki üzərində əks olunmasının yolverilməz olduğunu vurğulayıblar.
Yenisabah.az xəbər verir ki, “AZGRANATA” MMC-nin İctimaiyyətlə əlaqələr üzrə meneceri Ülvi Günəşli Modern.az-a açıqlamasında bütün prosedurların qanunauyğun şəkildə həyata keçirildiyini deyib:
Kəlbəcərin Zod qızıl yatağının yarısı Azərbaycana təhvil veriləcək: hazırda Azərbaycan-Ermənistan dövlət sərhədinin demarkasiyası üzərində iş gedir və yaxın günlərdə məsələ həllini tapacaq.
Amma Ermənistan qanunsuz istismar etdiyi qızıl yatağını yox, həm də yatağın istismarından əldə etdiyi vergini də qaytarmalıdır.
Ermənistanın keçmiş ədliyyə naziri Arpina Ovannisyan deyir ki, “Yatağın yarısının Azərbaycana qaytarılması onun istismarından Ermənistanın dövlət büdcəsinə ödənilən vergilərin qanuniliyi də şübhə altına alınır”.
Yatağı Rusiyanın “Geopromining” şirkəti istismar edirdi. Bu şirkət Ermənistanda 1000 vergi ödəyicisi arasında 4-cü yerdədir.
Erməni iqtisadçı Hovhannes Avetisyan deyir ki, yatağın təhvil verilməsi ilə Ermənistan dövlət büdcəsi hər il 40 milyon dollar vergi gəlirini itirəcək.
Avetisyanın açıqladığı rəqəm bəlkə də daha kiçikdir. Lakin dediyindən məlum olur ki, yatağın istismarına görə hər il Ermənistan dövlət büdcəsinə 40 milyon dollar vergi ödənilirmiş.
Bu rəqəmi yatağın qanunsuz istismar ilinə vursaq, təxmini hesablama ilə Ermənistanın təkcə Zod yatağına görə Azərbaycana ödəməli olduğu məbləği müəyyənləşdirmək olar.
27 il x 40 milyon dollar = bir milyard 80 milyon dollar: Zod yatağının qanunsuz istismarına görə Ermənistanın Azərbaycana ödəməli olduğu təzminat...
"Vətəndaşlar işğaldan azad edilmiş ərazilərə səfər etməyə tələsməməlidir".
Yenisabah.az xəbər verir ki, bunu Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) direktoru Qəzənfər Əhmədov deyib.
Q.Əhmədov bildirib ki, vətəndaşların doğma torpaqlarına getmələri üçün yaxın zamanlarda şərait yaradılacaq:
“Hələki həmin ərazilərə daxil olmamaq xahiş olunur, polis postlarından yayınaraq ara yollarla həmin məntəqələrə getmək təhlükəlidir”.
Ermənistan Milli Təhlükəsizlik Xidməti “Milli Təhlükəsizlik” partiyasının lideri Qarnik İsaqulyanla bağlı prokurorluğa müraciət edib. 
Yenisabah.az xəbər verir ki, buna səbəb İsaquryanın mətbuat konfransında Ermənistanı silkələyən açıqlamalar verməsidir.
Partiya lideri iddia edib ki, Ermənistanın Baş naziri Nikol Paşinyan Bakı və Ankaradan aldığı 48 milyon dollar müqabilində ölkədə “məxməri inqilab” edib.
İsaqulyanın sözlərinə görə, bu vəsait Ermənistana ABŞ-ın Gürcüstandakı səfirliyindən Təhlükəsizlik Şurasının katibi Armen Qriqoryan, "Mənim Adımım" fraksiyasının rəhbəri Lilit Makunts, Nikol Paşinyanın xanımı Anna Akopyan, bir neçə deputat və İctimai Şuranın sədri Stepa Safaryan  millət vəkilləri, habelə İctimai Şuranın rəhbəri Stepa Safaryan tərəfindən çatdırılı.
Partiya sədri iddia edib ki, Paşinyan Qarabağda müharibə başlayacağını 1,5 ay əvvəl bilib. Amma bunun qarşısını almaq üçün heç bir addım atmayıb. Eyni zamanda məqsədli şəkildə Ermənistanı məğlubiyyətə sürükləyib.
Ermənistan Milli Təhlükəsizlik Xidməti isə İsaqulyanın dedikərini dezinformasiya adlandırıb.
"Milli təhlükəsizlik orqanlarının funksiyaları barədə özünəməxsus təsəvvürləri olan şəxsləri və təşkilatları cəmiyyətdə çaşqınlıq yaradan, daxili gərginliyə səbəb olan, eyni zamanda dövlətin nüfuzunu zədələyən fikirlər səsləndirməkdən çəkinməyə çağırırıq”, - deyə qurumun yaydığı açıqlamada bildirirlir.
Qeyd edilir ki, xüsusi xidmət orqanları, yaxud yüksək vəzifəli şəsxlər barəsində dezinformasiya və böhtanların yayılması davaç edəcəyi təqdirdə müvafiq hüquqi addımlar atılacaq.

Видео Yekun xəbərlər 30.11.2020 (Xəbər Saatı) Qarabağdan hamının gözlədiyi ƏLA XƏBƏR! канала Musa Media