SELMANA DE LES LLETRES ASTURIANES

3 de mayo de 2022. El director de Política Llingüística del Principáu d'Asturies, Antón García, señaló esti llunes en Xixón que lo qu'hai qu'esperar ye que'l númberu de diputaos qu'apoyen la cooficialidá medre n'otru momentu. Asina, mostró la so confianza de que se va volver a dar la oportunidá "que se tuvo pero que nun pudo ser", por tener namás 26 votos a favor.

Asina lo dixo, enantes de participar na inauguración, nel paraninfu de Llaboral Ciudá de la Cultura, de la 43 Selmana de les Lletres Asturianes, que definió como un actu "reivindicativu y celebrativu" de la llingua y la recuperación de les lletres asturianes.

Al empar, defendió qu'hai una política llinguística y que se van dando pasos hacia la normalización social del asturianu. Reconoció qu'hai sectores a los que tolo que se fai paez-y poco y otros que mesmo piensen que too o nada.

Ente'l 3 y el 6 de mayu, va facese homenax al músicu y dibuxante de cómic Ígor Medio, que cumpliría 50 años nesti 2022.

La programación inclúi una esposición centrada na obra gráfica del artista xixonés, la presentación d'un documental y un llibru sobre la so trayectoria, y la celebración d'un gran conciertu-homenaxe. Va ser la primer vez qu'una persona nacida na década de los setenta del sieglu pasáu reciba l'homenaxe de les Lletres Asturianes.

La presentación del llibru conmemorativu 'Ígor Medio. El carbón y l'arena' va abrir los actos de la programación. La publicación, editada pola Conseyería de Cultura, Política Llingüística y Turismu pa la ocasión, axunta nueve artículos qu'analicen l'heriedu d'esti creador y inclúi bien de testimonios gráficos de la so vida y obra. Amás, el Muséu Barjola va acoyer dende'l 3 de mayu la esposición 'Xente llano de Xixón. La obra gráfica d'Ígor Medio'.

Видео SELMANA DE LES LLETRES ASTURIANES канала Max Álvarez TV