Ай сайынғы аударылуы тиіс әлеуметтік төлемдері берілмеген маңғыстаулық жұмысшылар шу шығарды

Маңғыстау облысының әкімдігі мен басқа да мемлекеттік органдар жарық жеткізуші "AllianceEnergoSnab" компаниясына миллиардтар қарыз. Осы себепті, энергия өндіруші «МАЭК КазАтомПром» компаниясы серіктестіктің шотын жауып тастаған. Міне соның кесірінен қызметкерлерінің зейнетақы қоры мен медициналық сақтандыруға бөлінетін қаражатын компания аудармаған. Ал дәрігерлерге бара алмай қалдық деген жұмысшылар бүгін тағы да шу шығарып, компания алдына жиналды.
Маңғыстау облысында "AllianceEnergoSnab" жарық беруші компанияның 140-тан астам қызметкері жарты жыл бойы не ауруханаға бара алмай, не несие ала алмай отыр. Өйткені компаниядан медициналық сақтандыру мен зейнетақы қорына қаржы аударылмаған. Амалы таусылған бір топ жұмысшы бүгін компания маңына жиналып шу шығарды.
ҒАЛИЯ ҚАЛЖАНОВА, "AllianceEnergoSnab" қызметкері:
– Бізде алтыншы ай пенсионный ақшамыз аударылмай жатыр, медицинская страховкамыз да аударылмай жатыр. Кеше акиматқа бардық. 20-сына дейін шешіп береміз деген. Бірақ ол шешіле ме, шешілмей ме белгісіз.
Ал энергия өндіруші «МАЭК КазАтомПром» "AllianceEnergoSnab-тің" шотын жауып тастады дейді компания өкілдері. Сөздерінше жарық жеткізуші "AllianceEnergoSnab" серіктестігінің МАЭК-ке 3,5 миллиард теңге берешегі бар екен. Бір қызығы, облыстық, қалалық әкімдік және басқа да мемлекеттік мекемелер қолданған жарық үшін АльянсЭнергоСнабқа 1,5 миллиард теңге қарыз дейді.
ГҮЛЖАН ӘЛІМБАЕВА, "AllianceEnergoSnab" ЖШС директоры:
– Біз больницаның счетын жапқан едік алдыңғы айда қарызы үшін. Мына жерде акимат звондап қоймады, угрозы пошли. Ашпасаң болмайды, міне қазір саған ақша береміз, егер де ашпасаң ертең көре жатарсың деген сияқты. Енді мен қарызымды құтылу керекпін ғой «МАЭК КазАтомПром» алдындағы.
2019 жылы МАЭК пен "АльянсЭнергоСнаб" компаниясының арасында жасалған келісімшарт биыл бұзылып, бір күннің ішінде жарық жеткізуші серіктестік жұмыссыз қалған. Ал әкімдікте, АльянсЭнергоСнаб қарызға белшесінен батқандықтан келісімшарт біржақты бұзылды дейді. Сонымен қоса әкімдіктің де берешегі бар екенін растады. Ал Ақтау қаласы мен Мұнайлы ауданының тұрғын үйлерін жарықсыз қалдырмау үшін «Маңғыстау Жарық» серіктестігіне бердік дейді әкімдіктегілер.
БЕРДІБЕК ҚАРТБАЕВ, Маңғыстау облыстық энергетика және ТҮКШ басқармасының басшысы:
– «Маңғыстау Жарық» мекемесі толықтай барлық қызметкерлерді өз мекемесіне алатын болып келістік. Бірде-бір қызметкер жұмыссыз қалмайды. Бұл басты мәселе. Қойған талабымыз. Екінші талап-олардың жалақылары сол деңгейде сақталады.
Десе де, АльянсЭнергоСнаб компаниясы келісімшартты біржақты бұзу заңсыз екенін айтады. Сондықтан сотқа арызданып қойған.

Махаббат Нұржанқызы. Мұхаммед Шадкам
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#наразылықтар #Маңғыстау #әлеуметтік_төлем

Видео Ай сайынғы аударылуы тиіс әлеуметтік төлемдері берілмеген маңғыстаулық жұмысшылар шу шығарды канала Информбюро 31