ចង់ចេះចិញ្ជឹមគោបានធំ ធាត់ សូមមើលបទពិសោធន៍​ចិញ្ជឹមគោរបស់ក្រុមហ៊ុនអានស៊ីន

ក្រុមហ៊ុនអានស៊ីន បានផ្តល់នូវបទពិសោធន៍គន្លឹះដល់កសិករ...ថា៖ បើចង់ឲ្យការចិញ្ចឹមសត្វទទួលបានផលល្អប្រសើរគឺទាមទារតម្រូវឲ្យធ្វើអនាម័យសត្វនិងផ្តល់ការចាក់វ៉ាក់សាំងដល់សត្វឲ្យបានទៀងទាត់
រយៈពេលជាង០២ឆ្នាំ កន្លងមកនេះ កសិដ្ឋានចិញ្ចឹមគោសាច់ និងមាន់ស្រែ របស់ក្រុមហ៊ុនអានស៊ីន ដែលមានទីតាំង ក្នុងឃុំឈើទាល ស្រុកបាណន់ ខេត្តបាត់ដំបង កំពុងតែទទួលបាននូវបទពិសោធន៍បច្ចេកទេសក្នុងការចិញ្ចឹមសត្វប្រកបដោយភាពជោគជ័យក្នុងកសិដ្ឋានរបស់ខ្លួនតាមរយៈការចិញ្ចឹមគោសាច់និងមាន់ស្រែ ដើម្បីផ្គត់ផ្គង់ទៅកាន់ទីផ្សារក្នុងស្រុក និងក្រៅខេត្ត ខណៈដែលនៅតាមភូមិ ស្រុក តាមបណ្ដាខេត្តមួយចំនួន កំពុងមានការផ្ទុះជម្ងឺកើតឡើងទៅលើសត្វគោក្របី ហើយថែមទាំងបង្កឲ្យសត្វទាំងនោះងាប់ ដោយសារតែការធ្វេសរបស់ម្ចាស់។
ដោយមើលឃើញពីភាពខ្វះចន្លោះខាងលើនោះ អ្នកជំនាញចិញ្ចឹមសត្វគោបានលើកឡើងថាៈ " បើបងប្អូនយើងចិញ្ចឹមសត្វទៅតាមរបៀបធម្មជាតិ និងតាមយថាកម្ម គឺនៅពេលដែលយើងទទួលផលមកវិញ?ក៏តាមយថាផល ផងដែរ"។ ដូចនេះ ដើម្បីចង់ឲ្យការចិញ្ចឹមរបស់ខ្លួន ទទួលបានលទ្ធផលល្អ និងមិនកើតជំងឺតម្កាត់ផ្សេងៗ គឺមិនត្រូវខ្ជិលក្នុងការធ្វើអនាម័យដល់សត្វទាំងនោះទេ? ហើយអ្នកចិញ្ចឹម ក៏ត្រូវតែផ្ដល់ការចាក់វាក់សាំងដល់សត្វទាំងនោះឲ្យបានទៀងទាត់ទៀតផងដែរ។
តាមរយៈនៃការផ្តល់នូវបទពិសោធន៍របស់កសិដ្ឋានចិញ្ចឹមគោ និងមាន់ស្រែរបស់ក្រុមហ៊ុនអានស៊ីន លោក ធី រ៉ាវុធ ជាម្ចាស់កសិដ្ឋាន បានលើកឡើងថា៖ កន្លងទៅនេះបើទោះបីជាកសិដ្ឋានលោកទទួលរងនូវផលប៉ះពាល់ពីទឹកជំនន់ក្តី ក៏នៅក្នុងកសិដ្ឋានខ្លួន ពុំមានផ្ទុះកើតឡើងនូវជំងឺផ្សេងៗលើសត្វក្នុងកសិដ្ឋានរបស់លោកឡើយ។ ---《សម្លេងម្ចាស់កសិដ្ឋានទី១》----
កន្លងមកនេះនៅតាមបណ្តាភូមិឃុំស្រុកមួយចំនួនតាមខេត្តនានា កំពុងតែមានការផ្ទុះនូវជំងឺរាតត្បាត កើតឡើងលើសត្វគោ-ក្របីរហូតបានបណ្ដាលឲ្យសត្វទាំងនោះងាប់ទៀតផង។ ក្នុងហេតុផលកើតឡើងខាងលើនេះ អ្នកជំនាញចិញ្ចឹមសត្វគោ ក៏បានគូសបញ្ជាក់ឲ្យដឹងបន្ថែមថា៖ ការដែលក្នុងកសិដ្ឋាននេះពុំមានផ្ទុះជំងឺសត្វនោះ គឺដោយសារកសិដ្ឋាន មានបទពិសោធន៍ គឺពេលទិញគោចូលក្រោល ត្រូវមានប្រភពច្បាស់លាស់និងបានរៀបចំធ្វើក្រោល ដាក់គោទាំងនោះឲ្យរស់នៅដោយឡែកមួយរយៈសិន គឺ៖ ដាក់ឲ្យវារស់នៅក្នុងក្រោលចត្តាឡីស័ក ចាប់ពី១៤ទៅ២១ថ្ងៃ ដោយឲ្យថ្នាំវីតាមីន ការបញ្ចុះសត្វល្អិត រួមនិងការចាក់វ៉ាក់សាំង ព្រមទាំងរៀបចំក្រោលសម្រាប់គោទាំងនោះដេកឲ្យបានល្អ រួមជាមួយការឲ្យចំណីស៊ីបំប៉ន ឲ្យគ្រប់គ្រាន់ជាដើម .... ។
តាមរយៈ នៃការរីរាលដាលឆ្លងកាត់នូវវិបត្តិជាសកលពីការរាតត្បាត ពីជម្ងឺឆ្លងផ្លូវដង្ហើមកូវីដ-19 និងគ្រោះធម្មជាតិដោយទឹកជំនន់កន្លងមក ក៏ប៉ុន្តែកសិដ្ឋានរបស់លោកនៅតែបន្តអាជីវកម្មបានល្អប្រសើរ។មិនតែប៉ុណ្ណោះថែមទាំងផ្តល់នូវបទពិសោធន៍ថ្មីៗ បន្ថែមទៀត។ និងជាឱកាស ធ្វើឲ្យកសិដ្ឋានរបស់លោក កាន់តែទទួលបាន នូវ ភាពជោគជ័យនៅលើទីផ្សារនានាក្នុងស្រុកផងដែរ។---《 សម្លេងម្ចាស់កសិដ្ឋាន-ទី២ 》------
លោក ធី រ៉ាវុធ ក៏បានបន្ថែមថា៖ ក្រោយពេលទទួលនូវភាពជោគជ័យជាបន្តបន្ទាប់ បច្ចុប្បន្ននេះ កសិដ្ឋានរបស់លោក កំពុតែងរៀបចំក្នុងការពង្រីកនូវទីតាំងចិញ្ចឹមសត្វថែមទៀត ដែលមានទំហំផ្ទៃដីប្រមាណជាង២០ហិកតា ដែលអាចដាក់គោ បានរាប់ពាន់ក្បាលផងដែរ។លោកក៏បានសង្កត់ធ្ងន់ទៀតថា៖ ការចិញ្ចឹមគោ និង មាន់ស្រែរបស់ក្រុមហ៊ុនអានស៊ីននេះ គឺ៖សម្រាប់ផ្គត់ផ្គង់នៅលើទីផ្សារក្នុងស្រុកនិងមាននាំចេញទៅក្រៅប្រទេស ផងដែរ ។ -------《 សម្លេងម្ចាស់កសិដ្ឋានទី៣. 》-------

បច្ចុប្បន្ន ក្រុមហ៊ុនអានស៊ីន បាន ផ្គត់ផ្គង់ គោ សាច់ទៅកាន់ ទីផ្សារ នានានៅក្នុង ខេត្ត និងរាជធានីព្រមទាំងខេត្តផ្សេងៗដូចជាខេត្តសៀមរាប,ប៉ៃលិន,បន្ទាយមានជ័យ ពោធិសាត់ ,និងខេត្តកំពង់ធំ ជាដើម។ លោក បានបញ្ជាក់បន្ថែមទៀតថា៖ តម្លៃគោ សាច់ ក្នុងមួយក្បាល តម្លៃលក់ ចេញ ចាប់ពី តម្លៃ ៨០០ទៅ១.២០០ដុល្លារ ។ និងដោយឡែកគោ ឈ្មោលពូជ ឆា ឡេ, ប៊្រាម៉ាន់ ជាដើម..ក៏មានម៉ូយ នៅតែបញ្ជា ទិញ ដើម្បីនាំចេញទៅ កាន់ ទីផ្សារប្រទេស វៀតណាមផងដែរ។
សូមបញ្ជាក់ថាក្រុមហ៊ុនអានស៊ិនគឺជាកសិដ្ឋានមួយដែលបានបោះទីតាំងចិញ្ចឹមសត្វ ដ៏ធំមួយនៅក្នុងខេត្តបាត់ដំបង ដោយកសិដ្ឋាននេះមានចិញ្ចឹមគោ ពពែ ទា និងមាន់ស្រែ ព្រមទាំងធ្វើការបង្កាត់ពូជ ភ្ញាស់ពងកូន សម្រាប់ចែកចាយលក់កូន និងមាន់សាច់ផងដែរ។ មិនតែប៉ុណ្ណោះ កសិដ្ឋាននេះ ក៏បានផ្ដល់នូវការងារជាច្រើន ដល់បងប្អូនប្រជាពលរដ្ឋរស់នៅក្បែរខាង ក្នុងតំបន់ទាំងនោះទៀតផង។ ហើយកន្លែងកសិដ្ឋាននេះ ក៏ជាទីតាំងសម្រាប់រៀន និងបង្រៀនពីបច្ចេកទេសចិញ្ចឹមសត្វ ដល់ប្រជាកសិករ ដែលមកពីសហគមន៍នានា ដែលមានអ្នកជំនាញបទពិសោធន៍ ទាំងជនជាតិខ្មែរ និងពីជនជាតិជប៉ុនផងដែរ ៕ សំអ៊ាន

Видео ចង់ចេះចិញ្ជឹមគោបានធំ ធាត់ សូមមើលបទពិសោធន៍​ចិញ្ជឹមគោរបស់ក្រុមហ៊ុនអានស៊ីន канала chea sedy