Хабар. Дилшод Назаров қаҳрамони Осиё шуд (25.04.2019)

Варзишгари маъруфу номдори кишвар, чемпиони Бозиҳои олимпии Рио-2016 Дилшод Назаров дар Чемпионати Осиё оид ба варзиши сабук, ки дар шаҳри Доҳаи кишвари Қатар ҷараён дорад, аз ҳамаи рақибонаш пеш гузашта, унвони қаҳрамониро соҳиб гардид. Ӯ гурзро ба масофаи 76,14 метр ҳаво дода, соҳиби медали тиллои Чемпионати Осиё оид ба варзиши сабук гардид. Зинаи дуюм бошад, насиби Ашраф Ал Сайфии қатарӣ гардид. Сӯҳроб Хоҷаеви тоҷик, ки дар ҳайати мунтахаби Ӯзбекистон баромад мекунад, дар ин мусобиқаи фароқоравӣ ба гирифтани мақоми сеюм мушарраф гардид. Акнун Дилшоди дастон бори панҷум аст, ки қаҳрамони Осиё мешавад. Ӯ дар солҳои 2009, 2013, 2015, 2017 ва 2019 ба ин натиҷа даст ёфт. Инчунин Назаров барандаи 2 медали нуқра солҳои 2005 ва 2007 ва як медали биринҷии Чемпионати Осиё соли 2003 низ мебошад.

Dilshod Nazarov / hammer throw / метание молота / Таджикистан / Tajikistan / Олимпиада / Tajikistan at the Olympics

Видео Хабар. Дилшод Назаров қаҳрамони Осиё шуд (25.04.2019) канала VarzishTV